యంగ్ అండ్ టాలెంటెడ్ హీరో సిద్ధు జొన్నలగడ్డ హీరోగా చేసిన డీజే టిల్లు ఎంత పెద్ద హిట్ అయిందో అందరికీ తెలుసు. అవుట్ అండ్ అవుట్ ఎంటర్ టైనర్ గా వంశీ కృష్ణ దర్శకత్వంలో ఈ చిత్రం తెరకెక్కింది. కేవలం రూ. 10 కోట్ల బడ్జెట్ తో నిర్మించబడిన డీజే టిల్లు థియేటర్ లలో సుమారు రూ. 30 కోట్ల వరకు రాబట్టింది. ఇది ఇలా ఉండగా ఈ సినిమాకు సీక్వెల్ ఉంటుందని హీరో సిద్దు జొన్నలగడ్డ ప్రారంభంలోనే ప్రకటించారు.
ప్రస్తుతం డీజే టిల్లుకు సీక్వెల్ గా టిల్లు స్క్వేర్ అనే పేరుతో ఒక చిత్రం రూపొందుతుంది. దీనికి మల్లిక్ రామ్ దర్శకత్వం వహిస్తున్నారు. అయితే ఈ చిత్రం హీరోయిన్ల సమస్యను ఎదుర్కొంటుంది. ముందుగా టిల్లు 2 లో నేహా శెట్టిని తీసుకుంటున్నట్టు వార్తలు వచ్చాయి. కొన్ని రోజుల తర్వాత పెళ్లి సందడి బ్యూటీ శ్రీలీల పేరు వినిపించింది. ఫైనల్ గా అనుపమ పరమేశ్వరన్ ను చిత్ర యూనిట్ అధికారికంగా ప్రకటించింది. అయితే ఈ భామ కొన్ని రోజుల క్రితం టిల్లు2 నుంచి బయటకు వెళ్లిపోయింది.
దీంతో మరో హీరోయిన్ వేటలో పడింది టిల్లు 2 యూనిట్. అనుపమ తర్వాత మడోన్నా సెబాస్టియన్ ను సిద్దు జొన్నలగడ్డ ఫిక్స్ చేసినట్టు టాక్ వచ్చింది. తాజాగా టిల్లు2 హీరోయిన్ విషయంలో మరో న్యూస్ వైరల్ అవుతుంది. మడోన్నా సెబాస్టియన్ కూడా ఈ చిత్రంలో హీరోయిన్ పాత్రకు సెట్ కాదని వెళ్లిపోయిందట. దీంతో మూవీ యూనిట్ హిట్2తో మంచి పేరు తెచ్చుకున్న మీనాక్షి చౌదరిని సంప్రదించరని సమాచారం. ఆమె గ్రీన్ సిగ్నల్ కూడా ఇచ్చిందని తెలుస్తుంది. దీనిపై త్వరలోనే అధికారిక ప్రకటన రానుందని టాక్.