దర్శకేంద్రుడు కే రాఘవేంద్రరావు దర్శకత్వ పర్యవేక్షణలో శ్రీకాంత్ కుమారుడు రోషన్ హీరోగా వచ్చిన పెళ్లి సందD సినిమాలో హీరోయిన్ గా టాలీవుడ్ లోకి ఎంట్రీ ఇచ్చింది యంగ్ బ్యూటీ శ్రీ లీల. తన అందంతో ప్రేక్షకులను ఆకట్టుకోవడంలో సక్సెస్ అయింది శ్రీలీల. ఈ క్రమంలోనే శ్రీలీలకు తెలుగు సినిమాలలో చక్కటి అవకాశాలు లభించాయి. వరుస సినీ ఆఫర్లు రావడంతో ఈ భామ అనధి కాలంలోనే స్టార్ హీరోయిన్ రేంజ్ లోకి వెళుతుందని సినీ పరిశీలకులు అంటున్నారు.
ప్రస్తుతం ఈ ముద్దుగుమ్మ క్రేజీ ప్రాజెక్ట్స్ లో ఫిమేల్ లీడ్ రోల్ ప్లే చేస్తోంది. ఇప్పటికే మాస్ మహారాజా రవితేజ సరసన ధమాకా సినిమాలో ఈ అమ్మడు నటిస్తోంది. ఈ సినిమా పోస్టర్స్, సాంగ్ లో శ్రీలీల మరింత అందంగా కనిపిస్తుండడంతో ఈమెను తమ సినిమాలలో హీరోయిన్ గా పెట్టుకునేందుకు దర్శక నిర్మాతలు కూడా ప్రయత్నాలు చేస్తున్నారు. ఈ సినిమానే కాక మరో యంగ్ హీరో రామ్ పోతినేని నటిస్తున్న తాజా చిత్రంలోను శ్రీ లీల నటిస్తోంది. దీంతో శ్రీలీల రేంజ్ అమాంతం పెరిగిపోయిందని చెప్పొచ్చు.
వరుస ఆఫర్లు వస్తుండడంతో రెమ్యూనరేషన్ విషయంలో కూడా ఈ ముద్దుగుమ్మ అమాంతం పెంచేసిందని వార్తలు వినిపిస్తున్నాయి. అయితే ఇలా అమాంతం రెమ్యునరేషన్ పెంచేయడం కరెక్ట్ కాదని కొంతమంది భావిస్తున్నారు. 20 లక్షల పారితోషికంతో కెరీర్ ప్రారంభించిన ఈ ముద్దుగుమ్మ ప్రస్తుతం కోటి రూపాయల వరకు తీసుకుంటుందని వార్తలు వినిపిస్తున్నాయి. రామ్ సినిమా నుంచే శ్రీ లీల కోటి రూపాయల రెమ్యూనరేషన్ ను తీసుకుంటుందని టాక్. మరి శ్రీ లీల కెరియర్ ఎలా ఉండబోతుందో వేచి చూడాలి.