సూర్య తెలుగు ప్రేక్షకులకు దగ్గరైన తమిళ స్టార్ హీరో,
ఒకప్పుడు సూర్య సినిమాలకు తెలుగులో మంచి ఆదరణ లభించేది ఈ మధ్యకాలంలో అది కాస్తా తగ్గుతూ వచ్చింది. ఈటీ సినిమా మినహాయిస్తే తన గత సినిమాలు రెండు ఓటిటి లోనే రిలీజ్ అయ్యాయి.
ఓటిటిలో రిలీజ్ అయినా ఆ రెండు సినిమాలు బ్లాక్ బస్టర్స్ అయ్యాయి.
సుధా కొంగర దర్శకత్వంలో వచ్చిన “ఆకాశమే హద్దురా” సినిమా గురించి ప్రత్యేకంగా చెప్పాల్సిన అవసరం లేదు, సూర్య కెరియర్ లోనే ఒన్ ఆఫ్ ది బెస్ట్ ఫిలిం అది. సూర్య ఆ సినిమాలో నటించిన తీరు కళ్ళలో నీళ్లు తెప్పించింది. ఆ సినిమాను ఇప్పుడు అక్షయ కుమార్ హీరోగా హిందీలో రీమేక్ చేస్తున్నారు.
ఆ తరువాత సూర్య చేసిన సినిమా “జై భీమ్”. జ్ఞానవేల్ దర్శకత్వంలో వచ్చిన ఈ సినిమా విమర్శల ప్రశంసలు అందుకుంది. ఆస్కార్ రేసులో నిల్చున్న ఈ సినిమాకి ఆఖరి నిమిషాల్లో నామినేషన్ దక్కలేదు. కానీ ఈ సినిమాకి ఇప్పుడు ఒక అరుదైన గౌరవం దక్కింది. ప్రతి ఏడాది జరిగే దాదాసాహెబ్ ఫాల్కే ఇంటర్నేషనల్‌ ఫిలిం ఫెస్టివల్ ఈ సంవత్సరం కూడా ఘనంగా జరిగింది.
12వ దాదా సాహెబ్ ఫాల్కే ఫిలిం ఫెస్టివల్ లో ఉత్తమ సినిమాగా జై భీమ్ నిలిచింది. అంతే కాక ఈ సినిమాలో నటించిన మణికందన్ కి బెస్ట్ సపోర్టింగ్ యాక్టర్ అవార్డు కూడా దక్కింది. అలానే అల్లరి నరేశ్‌ నటించిన నాంది సినిమా డైరెక్టర్ “విజయ్ కనకమేడల” కి బెస్ట్ డెబ్యూ డైరెక్టర్ అవార్డును వచ్చింది.
