ప్రమోషన్స్.. ఇండస్ట్రీలో ప్రతీ సినిమాకు ఇది అవసరం. ఏళ్ల పాటు కష్టపడి చేసిన సినిమాకు ప్రమోషన్స్ చేయకపోతే, ప్లాప్ అవడం గ్యారంటీ అంటారు సినీ ప్రముఖులు. అందుకే ప్రమోషన్స్ కోసం నిర్మాతలు ప్రత్యేక బడ్జెట్ ను కేటాయిస్తారు. ప్రమోషన్స్ కు మూవీ యూనిట్లు ఎంత ప్రాధాన్యత ఇస్తాయో.. ఆర్ఆర్ఆర్ మూవీతో తెలుసుకోవచ్చు.
తాజా గా అనిల్ రావిపూడి దర్శకత్వంలో తెరకెక్కిన ఎఫ్ 3 మూవీ యూనిట్ కూడా భారీ లేవెల్ లోనే ప్రమోషన్స్ ప్లాన్ చేస్తుంది. హీరోలు విక్టరీ వెంకటేష్, మెగా ప్రిన్స్ వరుణ్ తేజ్ గతంలో ఎప్పుడు ఇంత యాక్టివ్ గా ప్రమోషన్స్ లో పాల్గొనలేదు. కానీ, ఇప్పుడు సినిమాలతో పాటు ప్రమోషన్స్ లోనూ డైరెక్టర్ అనిల్ రావిపూడితో కలిసి ఫుల్ స్వింగ్ లో కామెడీ చేసేస్తున్నారు. ప్రస్తుతం వీరు కనిపించని టీవీ లేదు, యూట్యూబ్ ఛానల్ లేదు.
ప్రీ రిలీజ్ ఈవెంట్ లోనూ కామెండీ పండించడానికి అనిల్ రావిపూడి, వెంకటేష్, వరుణ్ తేజ్ విశ్వ ప్రయత్నాలు చేశారు. కొన్ని సందర్భాల్లో హీరోయిన్లు మెహరీన్, సోనాలి చౌహాన్ కూడా మెరుస్తున్నారు. కానీ, ఒక తమన్నా మాత్రం ప్రమోషన్స్ కు కాస్త దూరంగా ఉంటుంది.
ప్రమోషన్స్ ను సక్సస్ ఫుల్ గా నడిపంచడానికి, నిర్మాత దిల్ రాజు కూడా తన వంతు ప్రయత్నాలు చేస్తున్నాడు. పలు వీడియోలను రిలీజ్ చేస్తూ, ప్రేక్షకుల్లో ఇంట్రెస్ట్ పెంచుతున్నాడు. ఇంతలా ప్రమోషన్స్ చేస్తున్న ఈ మూవీ మరో మూడు రోజుల్లో ప్రపంచ వ్యాప్తంగా థియేటర్స్ లో ప్రేక్షకుల ముందుకు రానుంది.
