విక్ట‌రీ వెంక‌టేశ్, మెగా ప్రిన్స్ వ‌రుణ్ తేజ్ మ‌ల్టీ స్టార‌ర్ గా న‌టించిన లేటెస్ట్ మూవీ ఎఫ్3. 2019 లో వ‌చ్చిన ఎఫ్ 2 సినిమాకు ఇది సీక్వెల్ గా తెర‌కెక్కుతుంది. డైరెక్ట‌ర్ అనిల్ రావిపూడి ద‌ర్శ‌కత్వంలో వ‌స్తున్న ఈ సినిమాలో త‌మ‌న్నా, మెహ‌రీన్ హీరోయిన్స్ గా క‌నిపించ‌బోతున్నారు. అలాగే రాజేంద్ర ప్రసాద్, సునీల్ కీల‌క పాత్ర‌లో న‌టిస్తున్నారు. ఈ సినిమాను దిల్ రాజ్ ప్రొడ్యూస్ చేస్తున్నారు. అలాగే దేవి శ్రీ ప్రసాద్ మ్యూజిక్ ను అందిస్తున్నాడు. కాగ ఈ సినిమా నుంచి ఫ‌స్ట్ సాంగ్ ల‌బ్ ద‌బ్ ల‌బ్ ద‌బ్ డ‌బ్బు.. ఇప్ప‌టికే రిలీజ్ అయింది. తాజా గా ఈ రోజు మ‌రో సాంగ్ ను చిత్ర బృందం విడుద‌ల చేసింది.
ఊ అ ఆహా ఆహా… లిరిక‌ల్ సాంగ్ ను ట్విట్ట‌ర్ వేదిక‌గా ప్రేక్ష‌కుల‌తో పంచుకున్నారు. ప్ర‌స్తుతం ఈ సాంగ్ యూట్యూబ్ లో సంద‌డి చేస్తుంది. ఈ పార్టీ సాంగ్ లో హీరోయిన్స్ త‌మ‌న్నా, మెహ‌రీన్ అందాలు ఆర‌బోస్తూ.. యువ‌త‌కు పిచ్చేక్కిస్తున్నారు. వెంక‌టేష్, వ‌రుణ్ తేజ్ స్టేప్స్ కూడా ఆక‌ట్టుకుంటున్నాయి. దేవీ శ్రీ ప్రసాద్ మ్యూజిక్ కూడా అల‌రిస్తుంది. ఈ సాంగ్ తో ఎఫ్3 సినిమాపై ఇంకా అంచనాలు పెరిగాయి. కాగ ఈ సినిమాను మే 27న ప్రేక్ష‌కుల ముందుకు చిత్ర బృందం తీసుకురానుంది.
