“ఆర్ఆర్ఆర్” సినిమా తరువాత మెగా పవర్ స్టార్ రామ్ చరణ్ వరుస సినిమాలతో బిజీగా గడుపుతున్నాడు. ప్రస్తుతం శంకర్ దర్శకత్వంలో ‘RC15’ సినిమా చేస్తున్న విషయం తెలిసిందే. అయితే చిత్రం షూటింగ్ కోసం రామ్ చరణ్, కియారా అద్వానీ విదేశాలకు వెళ్లినట్టు తెలుస్తోంది. ఈ చిత్రంలో ఓ సాంగ్ ని రూ.15కోట్లతో షూట్ చేస్తున్నట్టు తెలుస్తోంది. షూటింగ్ సమయంలో దొరికిన గ్యాప్ లో రామ్ చరణ్ వర్కౌట్ల చేసుకుంటూ గడుపుతున్నాడు. దీనికి సంబంధించిన ఓ వీడియోను రామ్ చరణ్ ఇన్ స్టాగ్రామ్ లో షేర్ చేశాడు.
ప్రస్తుతం ఆ వీడియో సోషల్ మీడియాలో చక్కర్లు కొడుతోంది. ఈ వీడియోలో రామ్ చరణ్ తన టీమ్ తో కలిసి చేసిన అల్లరి, వర్కౌట్లు మామూలుగా లేవు. ఇక ఇప్పటికే ఈ చిత్రానికి సంబంధించిన షూటింగ్ పుణే, రాజమండ్రి, అమృతసర్, వైజాగ్ లలో జరుపుకున్నారు. వాటికి సంబంధించిన పలు ఫోటోలు వైరల్ అయిన విషయం తెలిసిందే. శంకర్ – రామ్ చరణ్ కాంబోలో వచ్చే ఈ సినిమాపై అభిమానులు భారీ అంచనాలు పెట్టుకున్నారు.
ఈ చిత్రానికి “విశ్వంభర” అనే టైటిల్ ఖరారు చేసినట్టు వార్తలు వినిపిస్తున్నాయి. అయితే దీనిపై మూవీ యూనిట్ నుంచి అధికారిక ప్రకటన రావాల్సి ఉంది. ఈ చిత్రం పాన్ ఇండియా లెవల్ లో రూ.200 కోట్ల భారీ బడ్జెట్ తో రూపుదిద్దుకుంటున్నట్టు సమాచారం. కేవలం కాన్సెప్ట్ పోస్టర్ కోసమే రూ.2కోట్లకు పైగా ఖర్చు చేయడం విశేషం. ఇంత భారీ బడ్జెట్ తో వస్తున్న ఈ సినిమా ప్రేక్షకులను ఏ మేరకు ఆకట్టుకుంటుందో వేచి చూడాలి మరి.