దాదాపు ఐదు సంవత్సరాల కిందట తమిళంలో వచ్చిన ‘విక్రమ్ వేద’ సినిమా అప్పట్లో సంచలన విజయం సాధించింది. తమిళంతో పాటు సౌత్ ఇండియా సినీ అభిమానులు ఈ చిత్రం ఎంతో ఆకర్షించింది. తమిళంలో ఈ చిత్రం సూపర్ హిట్ కావడంతో వెంటనే తెలుగులో రీమెక్ చేయాలనే వార్తలు విపించాయి. కానీ విక్రమ్ వేద తెలుగులో మాత్రం పట్టాలెక్కలేదు.
ఇటీవల ఈ సినిమా హిందీలో విడుదల అయింది. బాలీవుడ్ నటుడు హృతిక్ రోషన్, సైఫ్ అలీఖాన్ ప్రధాన పాత్రల్లో ఈ చిత్రం రీమెక్ అయింది. ఈ చిత్రం విడుదలైన సందర్భంగా మంచి పాజిటివ్ టాక్ సంపాదించుకుని మంచి రేటింగ్ వస్తుండడం గమనార్హం. ముఖ్యంగా 5కి మూడు, అంతకు మించిన స్థాయిలో ఈ సినిమా రేటింగ్ దక్కించుకుంది. తమిళ వెర్షన్కి హిందీ రీమెక్ న్యాయం చేసినట్టుగా కనిపిస్తోంది.
తమిళ సినిమా రీమెక్ అయినప్పటికీ బాలీవుడ్లో మంచి హిట్ లేకుండా ఎదురుచూస్తున్న అభిమానులకు ఈ సినిమా రావడం విశేషం. ఇదే సమయంలో ఆరో సినిమా తెలుగు రీమెక్కు కూడా బాలీవుడ్ ఫలితం కాస్త ఊపునిచ్చే అవకాశం కనిపిస్తోంది. ఇప్పటికే తమిళంలో సూపర్ హిట్ కావడం, హిందీలో పాజిటివ్ టాక్ సంపాదించుకోవడంతో ఈ సినిమాను తెలుగులో రీమెక్ చేస్తారని వార్తలు వినిపిస్తున్నాయి. గతంలో ఈ చిత్రాన్ని రీమెక్ చేస్తే టాలీవుడ్ హీరో పవన్ కళ్యాణ్, నాగార్జున పేర్లు వినిపించాయి. కానీ ప్రస్తుతం తెలుగులో మాస్ మహారాజా రవితేజ పేరు బాగా వినిపిస్తోంది. తెలుగులో విక్రమ్ వేద రీమెక్ అయితే హీరోగా ఎవరు నటిస్తారో వేచి చూడాలి మరీ.