Kalki 2898AD: మహానటి సినిమాతో జాతీయస్థాయిలో గుర్తింపు తెచ్చుకున్న ప్రముఖ డైరెక్టర్ నాగ్ అశ్విన్.. రెబల్ స్టార్ ప్రభాస్ తో తెరకెక్కిస్తున్న భారీ బడ్జెట్ చిత్రం కల్కి 2898AD.. త్వరలో ఈ సినిమా సెన్సార్ కి కూడా వెళ్లనుంది… దాదాపు మూడు గంటల పాటు ఈ సినిమా నిడివి ఉండనున్నట్టు తెలుస్తోంది.. మరొకవైపు ఈ సినిమాకు సంబంధించి థియేట్రికల్ బిజినెస్ కూడా ఒక రేంజ్ లో జరుగుతున్న విషయం తెలిసిందే. అయితే తాజాగా ఈ సినిమా కర్ణాటక బిజినెస్ క్లోజ్ అయినట్లు సమాచారం.. అక్కడ ఏకంగా 25 కోట్ల థియేట్రికల్ బిజినెస్ చేసినట్లు వార్తలు వినిపిస్తున్నాయి..
కల్కి మూవీ కి భారీ బిజినెస్..
ఒక కర్ణాటక ఇండస్ట్రీలోనే కాదు తమిళ ఇండస్ట్రీలో కూడా ఇదే రేంజ్ లో రికార్డు బిజినెస్ జరిగినట్టు సమాచారం.. ఈ సినిమాలో కమలహాసన్ నటించగా.. అక్కడ కూడా ఈ చిత్రంపై భారీ అంచనాలు ఏర్పడ్డాయి.. దాదాపుగా ఈ సినిమా రూ.20 కోట్ల వరకు అక్కడ బిజినెస్ జరిగిందని వార్తలు వినిపిస్తున్నాయి. ఇక తెలుగు ఇండస్ట్రీ గురించి ప్రత్యేకంగా చెప్పాల్సిన అవసరం లేదు. తెలుగులో ఏకంగా రూ.160 కోట్ల వరకు బిజినెస్ చేసినట్లు సమాచారం.. ఇక ఇవే కాకుండా అటు హిందీ , రెస్ట్ ఆఫ్ ఇండియా కలిపి దాదాపు రూ.100 కోట్ల వరకు బిజినెస్ జరిగినట్లు తెలుస్తోంది.. మొత్తంగా చూసుకున్నట్లయితే ఈ సినిమా ప్రీ రిలీజ్ కి ముందే రూ. 340 కోట్ల వరకు థియేట్రికల్ బిజినెస్ చేసినట్లు సమాచారం.
900 రోజుల కేటాయింపు..
భారీ అంచనాల మధ్య రాబోతున్న ఈ సినిమా కోసం ఈ రేంజ్ లో బిజినెస్ జరగడం సహజమే అంటూ కొంతమంది కామెంట్లు చేస్తున్నారు.. ఇకపోతే ఈ సినిమా కోసం ప్రభాస్ ఏకంగా 900 రోజులు డేట్స్ కేటాయించిన విషయం తెలిసిందే.. ఇందులో బాలీవుడ్ ముద్దుగుమ్మలు దీపికా పదుకొనే, దిశాపటాని హీరోయిన్స్ గా నటిస్తున్నారు.. అంతేకాదు ఈ సినిమాతో దీపికా పదుకొనే మొదటిసారి తెలుగు ప్రేక్షకులకు పరిచయం కాబోతోంది. ప్రేక్షకులు కూడా ఈ సినిమా కోసం చాలా ఎక్సైట్ గా ఫీల్ అవుతున్నారు.
స్టార్స్ కూడా హైప్ పెంచేసారుగా..
మరొకవైపు బిగ్ బీ , కమల్ హాసన్ వంటి స్టార్స్ నటించిన ఈ సినిమాపై భారీ హైప్ కూడా నెలకొంది. గత ఏడాది ఆది పురుష్ సినిమాతో అట్టర్ ప్లాప్ చవిచూసిన ప్రభాస్.. సలార్ సినిమాతో మళ్లీ బ్యాక్ బౌన్స్ అయ్యారని చెప్పాలి.. ఇప్పుడు సలార్ మూవీకి సీక్వెల్ గా సలార్ -2 శౌర్యంగ పర్వం అనే సినిమా చేస్తున్నారు ప్రభాస్.. ఆగస్టు వరకు ఈ సినిమా కంప్లీట్ అవుతుంది.. పోస్ట్ ప్రొడక్షన్ తో పాటు ఇతర పనుల కారణంగా ఈ సినిమా వచ్చే సమ్మర్ లో విడుదల చేయాలని చిత్ర బృందం ప్లాన్ చేస్తోంది.. మరొకవైపు ఏపీలో కొత్త ప్రభుత్వం అధికారంలోకి రావడంతో ఈ సినిమా టికెట్స్ రేట్స్ పెంపుకు పెద్దగా ఇబ్బంది ఉండకపోవచ్చనే వార్తలు కూడా వినిపిస్తున్నాయి. మొత్తానికి అయితే టికెట్లు రేట్లు పెంచి బాగా దండుకోవాలని ప్రయత్నం చేస్తున్నారు నిర్మాతలు.. మరి నిర్మాతల ప్రయత్నాలు ఏ మేరకు ఫలిస్తాయో చూడాలి.