105 Minutes OTT: సింపుల్ క్యారెక్టర్ తో హన్సిక ప్రయోగాత్మకంగా చేసిన 105 మినిట్స్ చిత్రం ఓటిటిలోకి వచ్చేసింది. జూన్ 7 అనగా నిన్న ఓటీటీలో ఈ సింపుల్ క్యారెక్టర్ మూవీ స్ట్రీమింగ్ కి వచ్చింది. ఈ మూవీ ఇప్పటికే అమెజాన్ ప్రైమ్ ఓటీటీలో స్ట్రీమింగ్ అవుతుంది. అయితే రెంటల్ విధానంలో ఈ ఓటీటీలో మూవీ అందుబాటులో ఉంది.
అమెజాన్ ప్రైమ్ లో హన్సిక మూవీ చూడాలంటే ఓటిటి సబ్స్క్రిప్షన్ తో పాటు అదనంగా 79 రూపాయలు చెల్లించాల్సి ఉంది. ఆహా ఓటీటీలో మాత్రం ఫ్రీ గా ఈ మూవీ స్ట్రీమింగ్ అవుతుంది. సైకలాజికల్ థ్రిల్లర్ కథాంశం తో రూపొందిన ఈ సింపుల్ క్యారెక్టర్ మూవీ కి రాజు దర్శకత్వం అందించారు. జనవరి 26న థియేటర్లలో విడుదలైన ఈ సినిమా ప్రేక్షకులను మెప్పించలేకపోయింది. 105 మినిట్స్ మూవీ మొత్తం హన్సిక క్యారెక్టర్ మాత్రమే కనిపిస్తుంది.
గంట 45 నిమిషాలు ఆమె తప్ప మరో క్యారెక్టర్ స్క్రీన్ పై కనిపించకుండా దర్శకుడు ఈ మూవీను రూపొందించాడు. జాను (హన్సిక) అనుకోని పరిస్థితుల్లో అదృశ్య శక్తి కారణంగా తన ఇంట్లోనే బందీగా మారుతుంది. జానును చంపాలని ఆ శక్తి ప్రయత్నిస్తుంది. జాను పై ఆ శక్తి పగ పట్టడానికి కారణమేంటి? ఆ శక్తి నుంచి జాను తప్పించుకుందా? లేదా అనే కాన్సెప్ట్ చుట్టూ ఈ మూవీ రూపొందింది. హన్సిక యాక్టింగ్ బాగుందనే పేరు వచ్చినప్పటికీ కాన్సెప్ట్ మొత్తం ఒకే పాయింట్ చుట్టూ తిరగడం రిపీట్ సీన్స్ కారణంగా ఈ మూవీ ప్రేక్షకులను మెప్పించలేకపోయింది.