GoodBadUgly : కోలీవుడ్ స్టార్ థలా అజిత్ ఒకేసారి రెండు సినిమాల షూటింగ్ లలో తెగ బిజీ అవుతున్నాడు. అందులో ఒకటి “విదా ముయార్చి” కాగా, మరొకటి “గుడ్ బ్యాడ్ అగ్లీ”. ఇక ఈ సినిమాను టాలీవుడ్ బడా నిర్మాణ సంస్థ ‘మైత్రి మూవీ మేకర్స్’ వారు ప్రతిష్టాత్మకంగా నిర్మిస్తున్న సంగతి తెలిసిందే. తెలుగు, తమిళ భాషల్లో ద్విభాషా చిత్రంగా తెరకెక్కబోయే ఈ సినిమా కి రాక్ స్టార్ దేవిశ్రీ ప్రసాద్ మ్యూజిక్ అందిస్తున్నాడు. ఇక గుడ్ బ్యాడ్ అగ్లీ ని తమిళ దర్శకుడు అధిక్ రవిచంద్రన్ దర్శకత్వం వహిస్తున్నాడు. స్టైలిష్ యాక్షన్ ఎంటర్టైనర్ గా తెరకెక్కుతున్న ఈ సినిమా రెగ్యులర్ షూటింగ్ శరవేగంగా జరుపుకుంటుంది. ఇక లాస్ట్ ఇయర్ తమిళ్ లో ‘మార్క్ ఆంటోని’ సినిమాతో బ్లాక్ బస్టర్ తీసాక రవిచంద్రన్ ఈ సినిమాని డైరెక్ట్ చేస్తుండడంతో భారీ అంచనాలు నెలకొని ఉన్నాయి. ఇక ఆ మధ్య గుడ్ బ్యాడ్ అగ్లీ (GoodBadUgly) కోసం హైదరాబాద్‌ లోని రామోజీ ఫిలిం సిటీలో భారీ సెట్‌ని నిర్మించగా, అందులో ఓ సాలిడ్ యాక్షన్ సీక్వెన్స్‌ ని తీయడం జరిగింది. ఇక ప్రస్తుతం ఈ సినిమా చెన్నైలో షూటింగ్ జరుపుకుంటుంది. ఇదిలా ఉండగా గుడ్ బ్యాడ్ అగ్లీ సినిమాపై ఓ ఇంట్రస్టింగ్ న్యూస్ టాలీవుడ్ లో వైరల్ అవుతుంది.
థలా సినిమా ఆ హాలీవుడ్ మూవీ కి రీమేకా?
అజిత్ హీరోగా నటిస్తున్న గుడ్ బ్యాడ్ అగ్లీ సినిమాపై తాజాగా ఓ ఇంట్రస్టింగ్ న్యూస్ వినిపిస్తుంది. గుడ్ బ్యాడ్ అగ్లీ ఓ హాలీవుడ్ సినిమాకి రీమేక్ గా తెరకెక్కుతున్నట్టు ప్రచారం నడుస్తుంది. ఈ మూవీ ఓ కొరియన్ మూవీ అయిన “ది గ్యాంగ్ స్టర్ ది కాప్ ది డెవిల్” అనే మూవీకి రీమేక్ గా తెరకెక్కుతుందని వార్తలు వస్తున్నాయి. 2019లో వచ్చిన ఆ సినిమా కొరియన్ భాషలో మంచి సక్సెస్ అయింది. ఇక గుడ్ బ్యాడ్ అగ్లీ టైటిల్ వచ్చినప్పటి నుండి వస్తున్న అప్డేట్స్ ఆ సినిమానే పోలి ఉన్నాయని కోలీవుడ్ నెట్టింట వైరల్ అవుతున్నాయి. ఆ టైటిల్ కి తగ్గట్టుగానే అజిత్ కి సంబంధించి లేటెస్ట్ గా మూడు షేడ్స్ తో సెకండ్ లుక్ పోస్టర్ రీసెంట్ గా రిలీజ్ చేసారు. అప్పటి నుండి ఈ సినిమా ఆ కొరియన్ మూవీకి కాపీ అంటూ వైరల్ అవుతుంది. మరి ఆ సినిమాకే రీమేక్ గా చేస్తున్నారా, లేదా కొత్త స్టోరీయా అనే విషయంపై మేకర్స్ నుండే క్లారిటీ వస్తే బాగుంటుందని నెటిజన్లు అభిప్రాయం వ్యక్తం చేస్తున్నారు.
సంక్రాంతికి తీసుకువచ్చే ప్లాన్ లో మేకర్స్..
ఇక గుడ్ బ్యాడ్ అగ్లీ సినిమా రెగ్యులర్ షూటింగ్ జరుపుకుంటూ ఉంది. అజిత్ నటిస్తున్న విదా ముయార్చి సినిమా షూటింగ్ చివరి దశలో ఉండగా ఆగష్టు కల్లా ఆ సినిమా షూటింగ్ పూర్తి అవుతుందని టాక్. ఇక ఆ సినిమా పూర్తి కాగానే గుడ్ బ్యాడ్ అగ్లీ పై పూర్తి ఫోకస్ పెట్టనున్నాడు అజిత్. అయితే సినిమా నిర్మిస్తున్న మైత్రి మూవీ మేకర్స్ ఎట్టిపరిస్థితుల్లో సంక్రాంతికి తీసుకురావాలని ప్లాన్ చేస్తున్నారు. ఇక ఈ సినిమా ఓ గ్యాంబ్లింగ్ గ్యాంగ్ స్టర్ డ్రామాగా తెరకెక్కుతుండగా, ఈ సినిమాలో శ్రీ లీల హీరోయిన్ గా నటిస్తునట్టు సమాచారం. సునీల్ కూడా ఈ సినిమాలో మరో కీలక పాత్రలో నటిస్తునట్టు టాక్.