Malavika Mohanan:మాళవిక మోహనన్ ఈమె గురించి ఇప్పుడు ప్రత్యేకంగా పరిచయం చేయాల్సిన అవసరం లేదు. ఎందుకంటే ప్రభాస్ నటిస్తున్న రాజా సాబ్ సినిమాలో హీరోయిన్ గా నటిస్తోంది. పట్టం పోలే అనే సినిమాతో మలయాళ ఇండస్ట్రీలో హీరోయిన్ గా ఎంట్రీ ఇచ్చింది మాళవిక. ఇకపోతే ప్రస్తుతం ఆడియన్స్ కి భాషతో సంబంధం లేకుండా సినిమాలను చూడటం అలవాటు అయిపోయింది కాబట్టి గొప్ప నటీనటులు సినిమాలు ఏ భాషలో ఉన్నా కూడా అందరూ చూడటం మొదలుపెట్టారు. అలానే లోకేష్ కనకరాజ్ ఖైదీ సినిమా కూడా చూశారు. ఆ సినిమా చూసిన తర్వాత లోకేష్ నెక్స్ట్ సినిమా పైన అందరికీ అంచనాలు మొదలయ్యాయి. అప్పుడు లోకేష్ చేసిన సినిమా మాస్టర్. ఆ సినిమాలో హీరోయిన్ గా కనిపించింది మాళవిక.
అక్కడితో చాలామంది ప్రేక్షకులు మాళవికకు కనెక్ట్ అయిపోయారు. మాస్టర్ సినిమాలో చారులత అనే పాత్రలో కనిపించింది. అయితే ఆ సినిమా తర్వాత మారన్ అనే తమిళ్ సినిమా కూడా చేసింది. ఇకపోతే మలయాళం లో క్రిస్టి సినిమాలో కనిపించింది మాళవిక. కేవలం మలయాళం ప్రేక్షకులు మాత్రమే కాకుండా చాలామంది తెలుగు ప్రేక్షకులు కూడా ఈ సినిమాను చూశారు. థియేటర్లో మిస్ అయిన వాళ్లు ఓటిటి ప్లాట్ ఫామ్ అయినా సోనీ లీవ్ లో తెలుగులో చూసి మాళవికకు ఫ్యాన్ అయిపోయిన అభిమానులు కూడా ఉన్నారు. క్రిష్టి సినిమాలో చాలా అందంగా కనిపిస్తుంది మాళవిక.
అయితే సోషల్ మీడియాలో కానీ ఇంస్టాగ్రామ్ లో కానీ మాళవిక ఎప్పుడు హాట్ ఫొటోస్ ను అప్లోడ్ చేస్తూ ఉంటుంది. మాళవిక అందాలకు చాలామంది ఫిదా అయిపోయారు. ఇక రీసెంట్ గా తంగాలన్ అనే సినిమాను చేస్తుంది మాళవిక. పా రంజిత్ దర్శకత్వం వహిస్తున్న ఈ సినిమా ఆగస్టు 15న విడుదలకు సిద్ధమవుతుంది. ఈ తరుణంలో కొన్ని ఇంటర్వ్యూ కూడా ఇస్తుంది మాళవిక. ట్విట్టర్ వేదికగా ఏమైనా ప్రశ్నలు ఉంటే అడగమని చెప్పింది మాళవిక. అందులో భాగంగా మీ డ్రీమ్ రోల్ ఏంటి అని అడిగినప్పుడు నాకు గ్యాంగ్ స్టార్ రోల్ చేయాలని ఉంది అంటూ చెప్పుకొచ్చింది.