OTT Movies : ఓటిటిలో లెక్కలేనన్ని సస్పెన్స్ థ్రిల్లర్ మూవీస్, సిరీస్ లు అందుబాటులో ఉన్నాయి. కానీ అందులోనూ బెస్ట్ సినిమాలను సెలెక్ట్ చేసుకోవడం అన్నది పెద్ద టాస్క్. అందుకే ఈరోజు సస్సెన్స్ థ్రిల్లర్ సినిమాలంటే చెవి కోసుకునే వారి కోసం కొన్ని మాస్టర్ పీస్ అన్పించే సూపర్ థ్రిల్లర్ సినిమాల లిస్ట్ ను మీ ముందుకు తీసుకొచ్చాము. ఈ సినిమాలన్నీ ప్రపంచవ్యాప్తంగా ఉన్న సస్పెన్స్ థ్రిల్లర్ సినిమా ప్రియుల చేత శభాష్ అన్పించుకున్నవే. మరి ఆ బెస్ట్ సస్పెన్స్ థ్రిల్లర్ సినిమాలు ఏంటి? మీరు కూడా ఈ సినిమాలను చూశారా లేక మిస్ అయ్యారా? అనే విషయాలపై ఇప్పుడు ఓ లుక్కేద్దాం పదండి.
ఫ్రాయిడ్
నెట్‌ఫ్లిక్స్ ఒరిజినల్ సిరీస్ ‘ఫ్రాయిడ్’ స్టోరీ ఒక జర్మన్ కథ. ఇది యువ సిగ్మండ్ ఫ్రాయిడ్ జీవితం ఆధారంగా రూపొందించబడింది. ఈ సిరీస్‌లో 8 ఎపిసోడ్‌లు ఉన్నాయి. ఈ సిరీస్ లో జరిగే నేరాలు, వాటి ప్లానింగ్ చూస్తే దిమ్మతిరగాల్సిందే. ఒక్కో ఎపిసోడ్ ఆసక్తికరంగా, ఊహించని ట్విస్ట్ లతో నడుస్తుంది. మీరు దీన్ని Netflixలో చూడవచ్చు.
హూ కిల్డ్ సారా
చూడగానే మనసుని శాటిస్ ఫై అయ్యే సస్పెన్స్ థ్రిల్లర్ వెబ్ సిరీస్ ఇది. ఈ సిరీస్ పేరు ‘హూ కిల్డ్ సారా’. ఇందులో సారాతో పాటు ఆమె సోదరుడు అలెక్స్ చుట్టూ కథ తిరుగుతుంది. సినిమాలో సారా చనిపోగా, ఆమె సోదరుడు ప్రతీకారం తీర్చుకుంటాడు. తన సోదరి మరణానికి అతను ఎలా ప్రతీకారం తీర్చుకున్నాడో చూసి తీరాల్సిందే. ఈ షో నెట్‌ఫ్లిక్స్‌లో అందుబాటులో ఉంది.
మానిఫెస్ట్
‘మానిఫెస్ట్’ కథ మలేషియన్ ఎయిర్‌లైన్స్ ఫ్లైట్ 370 అదృశ్యం ఆధారంగా రూపొందించబడింది. మలేషియా విమానాశ్రయం నుంచి బయలుదేరిన విమానం చైనాకు వెళ్తుండగా హఠాత్తుగా అదృశ్యమైంది. ఆ ఫ్లైట్ ఎలా మిస్ అయ్యింది? ఆ తరువాత ఏం జరిగింది? అనే విషయాలను ఇందులో కళ్ళకు కట్టినట్టుగా చూపించారు. మీరు ఈ సిరీస్ ను నెట్‌ఫ్లిక్స్‌లో చూడవచ్చు.
ది సైలెన్స్ ఆఫ్ ది లాంబ్స్
‘ది సైలెన్స్ ఆఫ్ ది లాంబ్స్’ సైంటిఫిక్ హారర్ కథ ఆధారంగా రూపొందించబడింది. ఆంథోనీ హెడ్ల్, స్కాట్ గ్లెన్, జోడీ ఫోస్టర్, ఆంథోనీ హాప్కిన్స్ వంటి హాలీవుడ్ స్టార్స్ ఈ చిత్రంలో నటించారు. ఈ సినిమా కథ ఒక నవల ఆధారంగా తెరకెక్కింది.
షట్టర్ ఐలాండ్
‘షట్టర్ ఐలాండ్’ కూడా థ్రిల్లర్ చిత్రమే. లియోనార్డో డికాప్రియో, మార్క్ రుఫెలో తదితరులు ఈ చిత్రంలో నటించారు. ఈ చిత్రాన్ని నేషనల్ బోర్డ్ ఆఫ్ రివ్యూ 2010 సంవత్సరపు టాప్ చిత్రాల జాబితాలో చేర్చింది.
జోడియాక్
‘జోడియాక్’ కూడా క్రైమ్ థ్రిల్లర్ కథే, ఇందులో హంతకుడు ఒకదాని తర్వాత ఒకటి హత్యలు చేస్తాడు. ఈ చిత్రం 2007లో విడుదలై బ్లాక్ బస్టర్ హిట్ గా నిలిచింది.
ది ప్రెస్టీజ్
‘ది ప్రెస్టీజ్’ మరో మాస్టర్ పీస్ సస్పెన్స్ థ్రిల్లర్. 2006లో విడుదలైన ఈ సినిమాను ఒక్క చుస్తే చిరకాలం గుర్తుండిపోతుంది. ఈ సినిమాలు, సిరీస్ లు అన్ని నెట్ ఫ్లిక్స్ లోనే అందుబాటులో ఉన్నాయి.