Phanindra Narsetti: బ్యాక్ స్పేస్(Backspace) అని ఒక షార్ట్ ఫిలింతో మంచి గుర్తింపును సాధించుకున్నాడు ఫణీంద్ర. ఆ తర్వాత ఫణీంద్ర చేసిన మధురం(Madhuram) షార్ట్ ఫిలిం అద్భుతమైన హిట్ అయింది. ఆ షార్ట్ ఫిలింతో విపరీతమైన ఫ్యాన్ ఫాలోయింగ్ సాధించుకున్నాడు ఫణీంద్ర. ముఖ్యంగా ఆ షార్ట్ ఫిలిమ్స్ లోనే డైలాగ్స్ విపరీతంగా ఆకట్టుకున్నాయి. కేవలం షార్ట్ ఫిలిమ్స్ లో మాత్రమే కాకుండా ఫణీంద్ర బయట మాట్లాడిన కూడా వినాలనిపించేలా ఉంటుంది తన భాష. ఒక మను(Manu) సినిమాతో తెలుగు ఫిలిం ఇండస్ట్రీకి దర్శకుడుగా ఎంట్రీ ఇచ్చాడు ఫణి. ఈ సినిమా ఊహించిన స్థాయిలో కమర్షియల్ సక్సెస్ను సాధించలేకపోయింది. కానీ ఈ సినిమాకి ఇప్పటికీ ఒక కల్ట్ స్టేటస్ ఉంది.
ప్రస్తుతం ఫణింద్ర నర్సేట్టి దర్శకత్వంలో MAD ఫేమ్ అనంతిక సనీల్‌కుమార్ కథానాయికగా నటిస్తున్న చిత్రం 8 వసంతాలు. ఈ సినిమాలో ఆమె పాత్ర పేరు శుద్ధి అయోధ్య. ఈ సినిమా నుంచి రిలీజ్ చేసిన పోస్టర్ విపరీతంగా ఆకట్టుకుంది. చెమ్మగిల్లిన కళ్లతో కదులుతున్న కవితలా కనిపిస్తున్నా, నవ్వుతూనే ఉంది. కళ్లకు మాస్కరా, చెవిపోగులు మరియు ముక్కు ఉంగరం ఆమెను మరింత ఆకర్షణీయంగా కనిపించేలా చేసాయి.
ఊటీ, హైదరాబాద్, కన్యాకుమారి వంటి పలు ప్రదేశాల్లో ఈ మూవీ షూటింగ్ జరుపుకుంది. ఈ సినిమా నెక్ట్స్ షెడ్యూల్ కోసం ఈ చిత్ర యూనిట్ కాశ్మీర్, ఆగ్రా, వారణాసి ప్రాంతాలకు వెళ్లనుంది. ఈ షెడ్యూల్‌తో షూటింగ్ అయిపోతుందని మేకర్స్ చెబుతున్నారు.నవీన్ యెర్నేని, వై రవిశంకర్ ఈ చిత్రాన్ని నిర్మిస్తున్నారు. విశ్వనాథ్ రెడ్డి ఛాయాగ్రహణం, నరేష్ కుమారన్ సంగీతం అందిస్తున్నారు.