Janaka Aithe Ganaka: ప్రస్తుతం తెలుగు ఫిలిం ఇండస్ట్రీలో ఉన్న యంగ్ హీరోస్ లో సుహాస్ ఒకడు. ఇప్పటివరకు సుహాస్ మొత్తం మూడు సినిమాలు చేశాడు. అయితే వాటిలో ఒక సినిమా డైరెక్ట్ ఓటిటిలో రిలీజ్ అయింది. అదే కలర్ ఫోటో. ఆ సినిమాతోనే సుహాస్ మంచి పేరును సాధించుకున్నాడు. ఆ తర్వాత సుహాస్ చేసిన రెండవ సినిమా రైటర్ పద్మభూషణ్. ఈ సినిమా బాక్స్ ఆఫీస్ వద్ద కమర్షియల్ గా మంచి హిట్ అయి విమర్శకుల నుంచి మంచి ప్రశంసలను కూడా అందుకుంది.
ఇకపోతే సుహాస్ చేసిన మూడో సినిమా అంబాజీపేట మ్యారేజ్ బ్యాండ్. ఈ సినిమా కూడా బాక్స్ ఆఫీస్ వద్ద మంచి కలెక్షన్స్ ను రాబట్టింది. కేవలం మౌత్ టాక్ తో ఈ సినిమా మంచి హిట్ అయిందని చెప్పవచ్చు. కమర్షియల్ గా హిట్ కావడమే కాకుండా ఈ సినిమాకి కూడా మంచి ప్రశంసలు లభించాయి. ప్రస్తుతం సుహాస్ చేస్తున్న సినిమా “జనక అయితే గనక” ఈ సినిమా నుంచి ఇదివరకే రిలీజ్ అయిన టీజర్ మంచి అంచనాలను పెంచింది. ఈ సినిమాను సెప్టెంబర్ 7న రిలీజ్ చేయబోతున్నట్లు చిత్ర యూనిట్ అధికారం గా ప్రకటించింది.
ఈ సినిమా రిలీజ్ కి దగ్గరవుతున్న తరుణంలో ప్రెస్ మీట్ కండక్ట్ చేశారు. ఈ ప్రెస్ మీట్ కి దిల్ రాజు హాజరయ్యారు. దీనికి సంబంధించి ఈ సినిమాకి సంబంధించిన ప్రీమియర్ షోస్ చేస్తారని ఒక జర్నలిస్ట్ ప్రశ్నించారు. దీనికి దిల్ రాజు సమాధానం ఇస్తూ. ప్రీమియర్స్ అనేవి కొన్నిసార్లు ప్లస్ అవుతాయి కొన్నిసార్లు మైనస్ అవుతాయి. ప్రీమియర్ షో కి సంబంధించిన టాకు తేడా కొడితే ఆ సినిమాకి ఎవరూ రారు అని దిల్ రాజు చెప్పుకొచ్చారు. అయితే ప్రీమియర్ షోస్ వలన హిట్ అయిన సినిమాలు కూడా ఉన్నాయి. రీసెంట్ టైమ్స్ లో చిన్న సినిమాలు పెద్ద విజయాన్ని సాధిస్తున్నాయి. అని కూడా మరోసారి గుర్తు చేశారు.