Deadpool & Wolverine : హాలీవుడ్ లో ఈ మధ్య కాలంలో భారీ అంచనాలతో వచ్చిన సినిమాలన్నీ బాక్స్ ఆఫీస్ వద్ద బోల్తా కొట్టాయి. ఏదో కొన్ని అనిమేషన్ సినిమాలే బాగా ఆడాయి. ముఖ్యంగా మార్వెల్ సిరీస్ లో వచ్చిన గత రెండు మూడు సినిమాలు అంతగా ఆకట్టుకోలేకపోయాయి. ఈ క్రమంలో మార్వెల్ సిరీస్ లో రెండు క్రేజీ పాత్రలైన డెడ్ పూల్, వోల్వోరైన్ పాత్రల్ని కలిపి మల్టి స్టారర్ గా తొలి సినిమా తీశారు మార్వెల్ మేకర్స్. ఇక ఆ మధ్య ట్రైలర్ రిలీజ్ అయినప్పుడే సినిమాపై భారీ అంచనాలు ఏర్పడగా, లేటెస్ట్ గా ఈ శుక్రవారం భారీ అంచనాల నడుమ డెడ్ పూల్ & వోల్వోరైన్ సినిమా థియేటర్లలో భారీ ఎత్తున విడుదలైంది. ఇక ప్రీమియర్స్ నుండే ఈ సినిమాకు పాజిటివ్ టాక్ రాగా ఈ హాలీవుడ్ సినిమాకు ఇండియా లో కూడా ఓ రేంజ్ లో ఓపెనింగ్స్ వచ్చాయి.
భారీ ఓపెనింగ్స్ సాధించిన డెడ్ పూల్ & వోల్వోరైన్..
ఇక ఇండియాలో ఈ మాదే కాలంలో వచ్చిన హాలీవుడ్ సినిమాలకు పెద్దగా ఓపెనింగ్స్ రాలేదు. లాస్ట్ రెండేళ్ల కింద అవతార్2 వచ్చాక, ఆ రేంజ్ లో భారీ ఓపెనింగ్స్ సాధించింది ఈ మర్వెల్ సిరీస్ మూవీ. ఇండియాలో ఏకంగా 26 కోట్ల గ్రాస్ ని వసూలు చేయడం విశేషం. డెడ్ పూల్ అండ్ వుల్వరిన్ (Deadpool & Wovlerine) సినిమా ఇండియాలో ఏ సెంటర్ల ప్రేక్షకులను అమితంగా ఆకట్టుకోగా, రీసెంట్ గా వచ్చిన మార్వెల్ మూవీస్ కంటే చాలా బెటర్ గా ఓపెనింగ్స్ అందుకుంది.
రాయన్ ని దెబ్బ కొట్టిన హాలీవుడ్ సినిమా…
ఇక ఈ శుక్రవారం కోలీవుడ్ స్టార్ ధనుష్ నటించిన రాయన్ సినిమా కూడా రిలీజ్ అయిన సంగతి తెలిసిందే. అయితే ఈ సినిమా కూడా పాజిటివ్ టాక్ తెచ్చుకున్నా ఫస్ట్ డే వరల్డ్ వైడ్ గా 20 కోట్ల వరకే గ్రాస్ వసూలు చేయగా, ఇండియాలో అయితే 15 కోట్ల వరకు రాబట్టింది. అయితే కేవలం మల్టీ ప్లెక్స్ థియేటర్లతోనే డెడ్ పూల్ & వోల్వోరైన్ సినిమా రాయన్ ని బీట్ చేయడమే కాకుండా, మల్టి ప్లెక్స్ లో దారుణంగా దెబ్బ కొట్టింది ఈ సినిమా. ఇక డెడ్ పూల్ వోల్వోరైన్ సినిమా వరల్డ్ వైడ్ గా కూడా అన్ని చోట్లా మొదటి రోజు ప్రీమియర్స్ తో కలిపి ఫస్ట్ డే 100 మిలియన్ డాలర్స్ కి పైగా వసూలు చేసినట్టు అంచనా.