టాలీవుడ్ మోస్ట్ సక్సస్ ఫుల్ డైరెక్టర్ కొరటాల శివ ప్రస్తుతం మెగా హీరోలతో మెగా మల్టీ స్టారర్ ఆచార్య మూవీ చేస్తున్న విషయం తెలిసిందే. ఈ మూవీ శుక్రవారం ప్రపంచ వ్యాప్తంగా విడుదల కానుంది. కొరటాల శివ సినిమాల్లో అందరికీ నచ్చేవి.. సోషల్ మెసెజ్ తో పాటు ఐకానిక్ ఫైట్స్. ఆయన సినిమాల్లో ఫైట్ సీన్స్ కు ప్రత్యేక గుర్తింపు, ఫ్యాన్స్ కూడా ఉంటారు. ఈ ఫైట్ సీన్స్ వల్లే.. సినిమాలకు పాజిటివ్ టాక్ వచ్చిందని కూడా చెప్పవచ్చు.
మిర్చి మూవీలో ఇంటర్వెల్ ఫైట్, ఫైనల్ ఫైట్ ప్రభాస్ కు మాస్ ఎలివేషన్స్ తెచ్చింది. శ్రీ మంతుడులో ఇంటర్వెల్ ఫైట్, మామిడి తోట ఫైట్ కూడా ఆకట్టుకుంది. ఎన్టీఆర్ జనతా గ్యారేజ్ సినిమా మొదట్లో పంచ భూతాలను వివరిస్తూ ఫైట్, క్వారీలో పోరాట సన్నివేశాలు మరింత ఆకర్షణగా మారాయి. భరత్ అనే నేను లో థియేటర్ ఫైట్ అయితే ఒక రేంజ్ హిట్ అయింది. ఇలా ప్రతి సినిమాలో కొరటాల తన మార్క్ ఫైట్ సీన్స్ ను అందించాడు.
అయితే.. ఇప్పుడు ఆచార్యలోనూ ఈ మార్క్ ఐకానిక్ ఫైట్స్ ను అందింస్తాడు అనడంలో ఏ మాత్రం సందేహం లేదు. అయితే.. కొరటాల ఇప్పటి వరకు చేసిన సినిమాల్లో ఒక్క హీరో మాత్రమే ఉన్నాడు. కానీ ఆచార్యలో చిరు-చరణ్ ఉన్నారు. వీరిని బ్యాలెన్స్ చేస్తూ.. పోరాట సన్నివేశాలను ఎలా ప్లాన్ చేశారని ఒక్క ప్రశ్న గా ఉంది. ఇద్దరిలో ఒక్కరు డౌన్ అయినా.. మెగా ఫ్యాన్స్ కోపాన్ని కొరటాల తట్టుకోలేడు. దీంతో మెగా హీరోలను బ్యాలెన్స్ చేస్తూ.. ఐకానిక్ ఫైట్ ను ఎలా కొనసాగించాడో తెలియాలంటే.. రేపటి వరకు ఆగల్సాందే.