Kantara2 : కన్నడ హీరో రిషబ్ శెట్టి నటించిన కాంతార సినిమా ఏ రేంజ్ హిట్ అయిందో ప్రత్యేకంగా చెప్పనక్కర్లేదు. కెజిఎఫ్ సిరీస్ తర్వాత కన్నడలో ఆ స్థాయిలో బాక్స్ ఆఫీస్ వద్ద సాలిడ్ వసూళ్లు అందుకున్న సినిమా ఇది. చిన్న సినిమాగా విడుదలై, పాన్ ఇండియా వైడ్ గా సంచలన విజయం సాధించింది. రెండేళ్ల కింద విడుదలైన ఈ సినిమా బాక్స్ ఆఫీస్ వద్ద ఏకంగా 370 కోట్ల వసూళ్ళని అందుకుంది. ఇక అప్పట్లోనే ఈ సినిమా హీరో కం దర్శకుడు రిషబ్ శెట్టి కాంతారా సీక్వెల్ వస్తుందని ప్రకటించాడు. అన్నట్టుగానే తొందరగా సీక్వెల్ సినిమా స్టార్ట్ చేసి ఏకంగా ఫస్ట్ లుక్ గ్లింప్స్ కూడా వదిలాడు. ఆ వీడియో సెన్సేషనల్ రెస్పాన్స్ తెచ్చుకుంది. సీక్వెల్ పై అంచనాలు విపరీతంగా పెంచేసింది.
ఫినిషింగ్ స్టేజ్ కి కాంతార…
ఇక తాజాగా కాంతారా సీక్వెల్ పై లేటెస్ట్ గా క్రేజీ అప్డేట్ వచ్చింది. ఇప్పటికే షూటింగ్ 80 శాతానికి పైగా పూర్తి చేసుకున్న ఈ సినిమా యూనిట్ నుండి వచ్చిన సమాచారం ప్రకారం కాంతారా2 సినిమా షూటింగ్ చివ‌రిద‌శ‌కు చేరుకుంద‌ని.. మరో 20 రోజుల్లో ఈ చిత్ర షూటింగ్ ముగుస్తుంద‌ని తెలుస్తోంది. ఇక షూటింగ్ పూర్తవగానే పోస్ట్ ప్రొడ‌క్ష‌న్ పనులు స్టార్ట్ చేసి ఈ చిత్రాన్ని సమ్మర్ లో ప్రేక్షకుల ముందుకు తీసుకురావడానికి మేకర్స్ ప్లాన్ చేస్తున్నారు.
500 కోట్ల రేంజ్ సినిమాగా ప్లాన్…
ఇక రిషబ్ శెట్టి నటించిన కాంతారా బాక్స్ ఆఫీస్ వద్ద 370 కోట్ల వసూళ్ళని అందుకోగా పెట్టుబడికి ఆల్మోస్ట్ 8 రెట్ల లాభం తెచ్చిపెట్టిందట. ఇక కాంతారా సినిమాతో ఈ సారి ఐదువందల కోట్లు వచ్చేలా మేకర్స్ ప్రమోషన్స్ చేయనున్నారు. వంద కోట్లకి పైగా బడ్జెట్ తో రూపొందుతున్న కాంతారా సీక్వెల్ కి రిలీజ్ టైం నాటికి మరో యాభై కోట్లు ఎక్కువ కూడా కావచ్చని అంచనా. ఇక ఈ సినిమాకు భారీ వీఎఫ్ఎక్స్ వర్క్ జ‌ర‌గ‌నుంద‌ని తెలుస్తోంది. కాంతారా సినిమాని 2025 సమ్మర్ లో రిలీజ్ చేయడానికి ప్లాన్ చేస్తుండగా, ఈ సారి పాన్ ఇండియా భాషల్లో ఒకేసారి భారీ ఎత్తున రిలీజ్ చేయనున్నారు.