Varun Tej : వరుస సినిమాలతో బిజీగా ఉన్న మెగా ప్రిన్స్ వరుణ్ తేజ్ పెళ్ళయిన తరువాత మొట్ట మొదటిసారి భార్యకు దూరంగా వెళ్లబోతున్నాడు అంటూ ప్రచారం జరగుతోంది. మరి వరుణ్ ఇలాంటి షాకింగ్ నిర్ణయం తీసుకోవడానికి కారణం ఏంటి ? అనే వివరాల్లోకి వెళ్తే..
రెండు సినిమాలకు వరుణ్ గ్రీన్ సిగ్నల్
రిజల్ట్ ఎలా ఉన్నా స్క్రిప్ట్ విషయంలో వరుణ్ తేజ్ ఎప్పుడూ ప్రయోగాలు చేస్తుంటాడు. కమర్షియల్ అంశాల జోలికి వెళ్ళకుండా ఇలాంటి ప్రయోగాత్మక సినిమాల ద్వారానే మెగా హీరోల్లో తనకంటూ ఓ ప్రత్యేకమైన గుర్తింపును దక్కించుకున్నారు. అందులో భాగంగానే ‘ఘని’, ‘గాంధీవధారి అర్జున’, ‘ఆపరేషన్ వాలెంటైన్’ వంటి వరుస పరాజయాలను కూడా తన ఖాతాలో వేసుకున్నాడు. తాజాగా వరుణ్ తేజ్ ‘మట్కా’ అనే పీరియాడికల్ డ్రామాలో నటిస్తున్నాడు. 70వ దశకం నేపథ్యంలో సాగే ఈ చిత్రానికి కరుణ కుమార్ దర్శకత్వం వహిస్తున్నారు. ఈ సినిమాతో పాటు మరో రెండు ప్రాజెక్టులకు వరుణ్ గ్రీన్ సిగ్నల్ ఇచ్చాడు. ఈ నేపథ్యంలోనే వరుణ్ తన భార్యకు దూరంగా వెళ్లబోతున్నాడు అనే ప్రచారం ఊపందుకుంది.
వాళ్ళ కోసమే భార్యకు దూరం ?
వరుణ్ తేజ్ చేతిలో ప్రస్తుతం మొత్తం మూడు ప్రాజెక్ట్ లు ఉన్నాయి. మట్కా ప్రస్తుతం షూటింగ్ దశలో ఉంది. ఈ మూవీ కాకుండా వరుణ్ ఖాతాలో ఉన్న రెండు కొత్త సినిమాలలో మొదటిది మేర్లపాక గాంధీ దర్శకత్వంలో రానున్న సినిమా. ప్రముఖ దర్శకుడు క్రిష్ ఫస్ట్ ఫ్రేమ్ ఎంటర్‌టైన్‌మెంట్స్ పై దీనిని నిర్మించనుంది. ఈ సినిమాలో ఎక్కువ భాగం షూటింగ్ విదేశాల్లో జరగనుందని సమాచారం. అందుకోసం ఈ మెగా హీరో కొరియా వెళ్లనున్నాడు. సెప్టెంబరు చివరి వారంలో ఈ మూవీ షెడ్యూల్‌ను ప్రారంభించి, ఒకే షెడ్యూల్‌లో ఎక్కువ భాగం చిత్రీకరణను ముగించాలని మేకర్స్ భావిస్తున్నారు.
ఆయన అంగీకరించిన మరో చిత్రం విక్రమ్ సిరికొండ దర్శకత్వంలోని ఓ ప్రేమకథ. ఈ సినిమాను మైత్రీ మూవీ మేకర్స్ నిర్మిస్తుంది. రోబోతో హీరో ప్రేమలో పడే స్టోరీతో ఈ మూవీ రూపొందుతోంది అంటున్నారు. దీనికి సంబంధించిన షూటింగ్ యూఎస్ఏలో మొదలవుతుంది. డైరెక్టర్ మేర్లపాక గాంధీ చిత్రం కొరియా షెడ్యూల్ పూర్తయిన తర్వాత ఇది ప్రారంభమవుతుంది. అయితే ఈ రెండు సినిమాల షూటింగ్ కోసమే వరుణ్ తన భార్యను వదిలి కొన్నాళ్ళు విదేశాల్లో ఉండబోతున్నారు అని అంటున్నారు.
వరుణ్ మూవీ ఆ హిందీ మూవీకి కాపీనా ?
వరుణ్ తేజ్, విక్రమ్ సిరికొండ కాంబోలో వస్తున్న మూవీ ఓ హిందీ మూవీకి కాపీ అంటూ కామెంట్స్ చేస్తున్నారు నెటిజన్లు. ఈ మూవీ ప్లాట్ ఇదేనంటూ రూమర్లు నడుస్తుండగా, ఇది అచ్చం ‘తేరీ బాటన్ మే ఐసే ఉల్జా జియా’ అనే రీసెంట్ హిందీ బ్లాక్ బస్టర్ మూవీకి కాపీలా ఉందని టాక్ నడుస్తోంది. ఈ సినిమాలో కూడా హీరో ఓ రోబోపై మనసు పారేసుకుంటాడు. అమ్మాయి అని తెలియక ఆమెను పెళ్లి చేసుకునేదాక వెళతాడు. ఇప్పుడు తేజ్ మూవీ కూడా అల్మోస్ట్ ఇదే పాయింట్ తో రూపొందుతోందని అంటున్నారు. కాగా 2025లో వరుణ్ తేజ్ మూడు సినిమాలను విడుదల చేయబోతున్నట్లు తెలుస్తోంది.