Adah Sharma: సినీ ఇండస్ట్రీలోకి అడుగుపెట్టిన తర్వాత ఎవరైనా సరే తమ నటనతో ప్రేక్షకులను మెప్పిస్తే… పేరు, డబ్బు రెండూ వస్తాయి.. అలాగే సక్సెస్ కూడా వస్తుంది. అయితే సక్సెస్ ఇచ్చే ఆనందం వెనుక అదే సమయంలో ఆ సక్సెస్ అందుకోవడానికి పడే కష్టం కొన్నిసార్లు అనారోగ్యాలను కూడా తెచ్చిపెడుతుంది. ఇప్పుడు అలాంటి ఒక అరుదైన ఇబ్బందితో బాధపడుతున్నానని చెబుతోంది అదా శర్మ.. తన ఆరోగ్య సమస్యలకు కారణం సినిమాల కోసం చేసిన డైటింగ్ లే అని చెబుతోంది ఈ వయ్యారి.. అదా శర్మ.. కేరళ స్టోరీ , బస్తర్ సినిమాలతో బ్యాక్ టు బ్యాక్ హిట్ లను అందుకుంటూ దూసుకుపోతున్న ఈమె ప్రస్తుతం అన్ని భాషల్లో కూడా సినిమాలు చేస్తూ బిజీగా ఉంది. ఇక తెలుగులో సి డి (క్రిమినల్ ఆర్ డెవిల్ ) అనే సినిమాలో కూడా నటిస్తోంది.. అలాగే SSCM ప్రొడక్షన్స్ బ్యానర్ పై కృష్ణ అన్నం దర్శకత్వంలో ఆదాశర్మ మెయిన్ లీడ్ లో విశ్వంత్, జబర్దస్త్ రోహిణి, మహేష్ విట్టా పలువురు ముఖ్య పాత్రలతో ఈ సినిమాలో నటిస్తున్నారు అయితే ఇన్ని సినిమాలలో నటిస్తోంది.. కానీ తనకు మాత్రం ఆనందం లేదు అని చెబుతోంది.
అదా శర్మ సినిమాలు..
డేరింగ్ అండ్ డాషింగ్ డైరెక్టర్ పూరీ జగన్నాథ్ దర్శకత్వంలో తెరకెక్కిన హార్ట్ ఎటాక్ సినిమాతో తెలుగు ప్రేక్షకులకు పరిచయమయ్యింది. ఇందులో నితిన్ హీరోగా నటించారు.. తొలి చూపులోనే కుర్రాళ్ళ గుండెలను దోచేసుకున్న ఈ ముద్దుగుమ్మ.. ఇందులో లిప్ లాక్ సన్నివేశాలతో అందరినీ ఆకట్టుకుంది. అయితే ఆశించినంత స్థాయిలో అవకాశాలు లభించలేదు.. దీంతో పాటు చిత్రాలలో సెకండ్ హీరోయిన్ గా కూడా కనిపించింది.. ఈ క్రమంలోనే 2023లో వచ్చిన బ్లాక్ బస్టర్ మూవీ కేరళ స్టోరీ తో అదాశర్మ ఒక్కసారిగా సెన్సేషన్ అయ్యింది.. అసలు 2023 వరకు ఈమెను పట్టించుకున్న వారే లేరు.. కానీ ఈ ఒక్క సినిమాతో ఆఫర్లు వరుసగా తలుపు తట్టాయి.. ఈ సినిమా తర్వాత బస్తర్ సినిమాలో కూడా నటించింది. ఇక ఈ సినిమా కూడా మంచి విజయం సాధించడంతో ఈ అమ్మడి క్రేజ్ భారీగా పెరిగిపోయింది.
అరుదైన వ్యాధితో బాధపడుతున్న అదా శర్మ..
ఇక ఇప్పుడు ఒక అరుదైన వ్యాధి వచ్చిందని..a షాకింగ్ విషయాలను బయటపెట్టింది. పైగా అది కూడా సినిమాల వల్లనే అని చెప్పి అందరికీ షాక్ ఇచ్చింది ఈ ముద్దుగుమ్మ.. అదా శర్మ మాట్లాడుతూ.. ది కేరళ స్టోరీ సినిమా చేసేటప్పుడు కాలేజీ అమ్మాయిలా కనిపించడానికి బరువు తగ్గాల్సి వచ్చింది.. ఆ తర్వాత బస్తర్ సినిమాలో నటించినప్పుడు బరువు పెరిగాను.. ఎందుకంటే ఆ సినిమాలో బరువైన గన్ లను మోయాలి కాబట్టి లావుగా కనిపించడంతోపాటుగా కాస్త బలంగా ఉండడానికి రోజు 12 వరకు అరటి పండ్లు తిన్నాను అలాగే డ్రై ఫ్రూట్స్ , ఫ్లాక్ సీడ్స్ ఉన్న లడ్డూలను నాతో పాటు షూటింగ్ తీసుకెళ్లాను. ఒకరోజు నిద్రపోయే అరగంట ముందు రెండు లడ్డూలు తినేదాన్ని.. కానీ ఇప్పుడు మరో సినిమా కోసం బరువు తగ్గాల్సి వచ్చింది.. ఇలా నెలల వ్యవధిలోనే బరువు తగ్గడం , మళ్ళీ పెరగడం ఆ తర్వాత తగ్గడం వల్ల నా శరీరంలో రకరకాల మార్పులు చోటు చేసుకోవడంతో పాటు ఒత్తిడికి కూడా గురయ్యాను.. దీనివల్ల ఆరోగ్యానికి గురయ్యాను ప్రస్తుతం ఎండోమెట్రియోసిస్ అనే వ్యాధి వచ్చింది అంటూ అని చెప్పుకొచ్చింది.
ఎండోమెట్రియోసిస్ వ్యాధి లక్షణాలు ..
ఈ వ్యాధి వచ్చిన వారిలో పీరియడ్స్ నాన్ స్టాప్ గా కొనసాగుతూ ఉంటుంది.. ఈ జబ్బు కారణంగా ఈమె కూడా దాదాపు 48 రోజులపాటు ఆగకుండా వచ్చే పీరియడ్స్ తో చాలా ఇబ్బంది పడ్డానని చెప్పుకొచ్చింది అదాశర్మ.. ప్రస్తుతం ఈ విషయం కాస్త సోషల్ మీడియాలో వైరల్ గా మారడంతో త్వరగా కోలుకోవాలని అభిమానులు కోరుకుంటున్నారు.