Ambani Wedding celebrations : గత కొన్ని రోజులుగా పెళ్లి వార్తల్లో నిలుస్తున్న అంబానీ ఫ్యామిలీ లండన్‌లో మరో గ్రాండ్ సెలబ్రేషన్‌ను నిర్వహించనుంది. తమ అతిథుల కోసం అంబానీ ఫ్యామిలీ మరో సర్ప్రైజ్ ను రెడీ చేస్తోంది. దాని కోసం వారు బుక్ చేసిన సెవెన్ స్టార్ హోటల్ ధర ఎంతో తెలిస్తే గుండె జారిపోవాల్సిందే.
సంబరాలు ఇంకా అయిపోలేదు..
అనంత్ అంబానీ, రాధిక మర్చంట్ కళ్యాణ మహోత్సవం ఇటీవల ఘనంగా జరిగింది. పెళ్లికి ముందు జరిగే కార్యక్రమాలు జాతీయ స్థాయిలోనే కాకుండా అంతర్జాతీయంగా కూడా వార్తల్లో నిలిచాయి. పెళ్లి తర్వాత కూడా అంబానీ పెళ్లి వేడుకలకు సంబంధించిన గ్రాండ్ ప్రోగ్రామ్స్ ఇంకా కొనసాగుతున్నాయి. దేశంలోనే అత్యంత సంపన్న వ్యాపారవేత్తగా గుర్తింపు పొందిన ముఖేష్ అంబానీ, నీతా అంబానీల చిన్న కుమారుడు అనంత్ అంబానీ, రాధిక మర్చంట్ దంపతుల పెళ్లి కార్యక్రమాలకు వేల కోట్ల రూపాయలు ఖర్చయ్యాయి. అయితే పెళ్ళయి పోగానే గత ఆరు నెలలుగా జరుగుతున్న ఈ వేడుకలకు బ్రేకులు పడతాయని అందరూ అనుకున్నారు. కానీ ఇప్పటికీ కూడా ఆ ఈవెంట్స్ కోట్ల ఖర్చుతో నడుస్తున్నాయి. తాజాగా ఈ కొత్త జంట ఈవెంట్ల కోసం లండన్‌లో హోటల్‌ను బుక్ చేసుకున్న విషయం తెరపైకి వచ్చింది.
లండన్‌ పార్టీకి అతిథులు వీళ్ళే
రిలయన్స్ ఇండస్ట్రీస్ చైర్మన్ మూడో కుమారుడు అనంత్ తన చిరకాల స్నేహితురాలు రాధికతో జూలై 12న ముంబైలో అంగరంగ వైభవంగా పెళ్లి చేసుకున్నారు. ఇది ప్రపంచంలోనే అత్యంత గ్రాండ్ వెడ్డింగ్ అని నమ్ముతారు, దీని ధర సుమారు $500 మిలియన్లు. జూన్ నెలాఖరున ప్రారంభమైన కార్యక్రమాలు జూలైలో రెండు వారాల పాటు కొనసాగాయి. ఈ కార్యక్రమానికి దేశ, విదేశీ ప్రముఖులు హాజరయ్యారు. తాజా సమాచారం ప్రకారం వివాహానంతర వేడుకల కోసం ముఖేష్ అంబానీ సెప్టెంబర్ వరకు లండన్‌లోని సెవెన్ స్టార్ స్టోక్ పార్క్ హోటల్‌లో రిజర్వేషన్ చేసుకున్నారు. ప్రిన్స్ హ్యారీ, యూకె మాజీ ప్రధాని బోరిస్ జాన్సన్ వంటి ప్రముఖులు ఈ కార్యక్రమానికి హాజరవుతారని టాక్ నడుస్తోంది.
అవన్నీ పుకార్లేనా?
2021లో రిలయన్స్ ఇండస్ట్రీస్ ప్రతిష్టాత్మకమైన స్టోక్ పార్క్ ఎస్టేట్‌ను £57 (INR 6,15,08,52,900) మిలియన్లకు లీజుకు తీసుకుంది. కొనుగోలు చేసిన తర్వాత 300 ఎకరాల ఈ ఎస్టేట్ పునర్నిర్మాణం కోసం మూసివేయబడింది. బకింగ్‌హామ్‌షైర్‌లోని స్టోక్ పార్క్ గ్రేడ్ II-లిస్టెడ్ 7-స్టార్ హోటల్ మాత్రమే కాకుండా గోల్ఫ్ కోర్స్, టెన్నిస్ కోర్ట్‌లను కూడా కలిగి ఉంది. ఇది వ్యక్తిగత గృహంగా కాకుండా వాణిజ్య సంస్థగా పని చేయడానికి అనుకూలంగా ఉంటుంది. అంబానీ కుటుంబ సభ్యులను మాత్రమే అనుమతిస్తూ హోటల్‌కి పబ్లిక్ యాక్సెస్‌ను పరిమితం చేయాలనే నిర్ణయం అంబానీ కుటుంబం, స్థానిక కౌన్సిల్ సంఘాల మధ్య ఉద్రిక్తతను సృష్టించింది. అయితే ముఖేష్ అంబానీ రెండు నెలల వ్యవధిలో హోటల్‌ను బుక్ చేయడం ద్వారా ఈ సమస్యను నివారించవచ్చని తెలుస్తోంది. దాదాపు 850 మంది గోల్ఫ్ క్లబ్ సభ్యులు ఈ సమయంలో సదుపాయాన్ని ఉపయోగించవద్దని అభ్యర్థించారు.
అయితే ఈ పుకార్లకు ముగింపు ఇస్తూ ది స్టోక్ పార్క్ హోటల్ ఇన్‌స్టాగ్రామ్‌లో ఒక ప్రకటనను పంచుకుంది, “స్టోక్ పార్క్‌లో మేము సాధారణంగా ప్రైవేట్ విషయాలపై వ్యాఖ్యానించము. కానీ ఇటీవలి మీడియా ఊహాగానాల నేపథ్యంలో ఈ వేసవిలో ఎస్టేట్‌లో ఎటువంటి వివాహ వేడుకలు జరగడం లేదని స్పష్టం చేయాలనుకుంటున్నాము, ఎస్టేట్ కోసం ప్రపంచ స్థాయి హోటల్, గోల్ఫ్ కోర్స్‌గా మా భవిష్యత్తు దృష్టికి మేము కట్టుబడి ఉన్నాము. మా వాటాదారులు, స్థానిక సంఘంతో కలిసి పని చేయడం కొనసాగిస్తాము” అని తెలిపారు.