యంగ్ హీరో నికిల్ సిద్ధార్ద్ – అందాల భామ అనుపమ పరమేశ్వరన్ జంటగా నటిస్తున్న తాజా చిత్రం 18 పేజెస్. దర్శకుడు పల్నాటి సూర్య ప్రతాప్ ఈ సినిమాని యూత్ ఫుల్ సబ్జెక్టుతో రూపొందించారు. ఈ చిత్రాన్ని జిఏ 2 పిక్చర్స్, సుకుమార్ రైటింగ్ సంస్థలు నిర్మిస్తున్నాయి. గోపి సుందర్ ఈ సినిమాకి సంగీతాన్ని అందిస్తున్నారు. ఈ చిత్రాన్ని ప్రముఖ నిర్మాత అల్లు అరవింద్ సమర్పిస్తున్నారు.
క్రిస్మస్ సందర్భంగా ఈ చిత్రాన్ని డిసెంబర్ 23వ తేదీన విడుదల చేస్తున్నారు. ఈ నేపథ్యంలో మూవీ ప్రీ రిలీజ్ ఈవెంట్ ని నిర్వహించింది చిత్ర బృందం. ఈ ప్రీ రిలీజ్ ఈవెంట్ కి స్టార్ డైరెక్టర్ సుకుమార్, స్టైలిష్ స్టార్ అల్లు అర్జున్ ముఖ్య అతిథులుగా హాజరయ్యారు. ఈ కార్యక్రమంలో హీరోయిన్ అనుపమ పరమేశ్వరన్ మాట్లాడుతూ.. తన క్రష్ ఎవరో రివిల్ చేసింది.
ఐకానిక్ స్టార్ అల్లు అర్జున్ అంటే తనకు క్రష్ అని తన మనసులోని మాటని బయట పెట్టింది ఈ ముద్దుగుమ్మ. తనకి ఆర్య సినిమా అంటే చాలా ఇష్టమని చెప్పుకొచ్చింది. అలాగే సుకుమార్ తనకి నందిని క్యారెక్టర్ ని రాసినందుకు ధన్యవాదాలు తెలిపింది.
18 పేజెస్ డిసెంబర్ 23న రిలీజ్ అవుతుందని. అందరూ తప్పకుండా చూడాలని కోరింది అనుపమ. ఇక ఇటీవల అనుపమ హీరోయిన్ గా వచ్చిన కార్తికేయ 2 చిత్రం ఘనవిజయం సాధించిన విషయం తెలిసిందే.