BhagyaSree Borse : మాస్ మహారాజ రవితేజ – హరీష్ శంకర్ కాంబినేషన్ లో “మిస్టర్ బచ్చన్” అనే యాక్షన్ సినిమా తెరకెక్కిన విషయం తెలిసిందే. ఆగస్టు 15న ఈ సినిమా థియేటర్లలో రిలీజ్ కి రెడీ అవుతుండగా, తాజాగా ఈ సినిమా ప్రీ రిలీజ్ ఈవెంట్ కర్నూలు లో గ్రాండ్ గా జరిగింది. ఇక ఈ ఈవెంట్ కి చిత్ర యూనిట్ హీరోహీరోయిన్లు అందరూ విచ్చేయడం జరిగింది. ఇక ఈ సినిమాలో ‘భాగ్యశ్రీ బోర్సే’ హీరోయిన్ గా నటించిన విషయం తెలిసిందే. తెలుగులో ఇదే ఈమెకు మొదటి సినిమా. ఇక మిస్టర్ బచ్చన్ సినిమా మొదలైనప్పటినుండే ఈ హీరోయిన్ పై మంచి క్రేజీ బజ్ ఉండగా, ఈ సినిమా ప్రతి ప్రమోషన్లలో కూడా భాగ్యశ్రీ ఆకట్టుకుంటుంది. తాజాగా మిస్టర్ బచ్చన్ ప్రీ రిలీజ్ ఈవెంట్ లో భాగ్య శ్రీ వన్ అఫ్ ది హైలెట్ గా నిలిచిందని చెప్పాలి.
అదిరిపోయే స్టెప్పులేసి భాగ్య శ్రీ..
ఇక భాగ్య శ్రీ ఈ ప్రీ రిలీజ్ ఈవెంట్ లో వన్ అఫ్ ది హైలెట్ గా నిలవగా, ఈ ఈవెంట్ లో స్టేజిపై అదిరిపోయే స్టెప్పులు వేసి ఆకట్టుకుంది. ఈ సినిమా కొరియోగ్రాఫర్ హీరోయిన్ ని స్టేజిపైకి రమ్మనగా, పైకి వచ్చిన భాగ్య శ్రీ, మిస్టర్ బచ్చన్ లో రెప్పల్ డప్పుల్ సాంగ్ కి, అలాగే నల్లంచు చీర సాంగ్ కి స్టెప్పులేసి అదరగొట్టింది. ప్రస్తుతం ఈ వీడియో నెట్టింట వైరల్ అవుతుంది. ఇక ఇంతకు ముందు కూడా భాగ్యశ్రీ టీజర్ లాంచ్ ఈవెంట్ లో తన స్టెప్పులతో అదరగొట్టిందని చెప్పాలి. డాన్స్ విషయంలో భాగ్య శ్రీ స్టార్ హీరోయిన్లకు గట్టి పోటీనిచ్చేలా ఉందని అంటున్నారు నెటిజన్లు.
క్యూట్ స్పీచ్ తో అదరగొట్టిన బ్యూటీ..
ఇక భాగ్య శ్రీ ఈ ప్రీ రిలీజ్ ఈవెంట్ లో కాస్త ప్రిపేర్ అయి వచ్చినట్టుంది. కాస్త తెలుగులో బాగానే మాట్లాడ్డానికి ట్రై చేసింది. ఇక భాగ్య శ్రీ మాట్లాడుతూ.. ముందుగా హరీష్ శంకర్ గురించి చెప్తూ.. తనని ఈ బ్యూటీ ఫుల్ వరల్డ్ లో పరిచయం చేసినందుకు కృతజ్ఞతలు చెప్పింది. ఇక రవితేజ గురించి చెప్తూ.. మై హీరో.. నిజానికి మీరు మాస్ మహారాజ.. అందుకే నన్ను మహారాణిలా చూసుకున్నారు, అంటూ ప్రశంసించింది. అలాగే ఈ ప్రీ రిలీజ్ ఈవెంట్ నాకు ఓ డ్రీం లాంటిది.. ఎందుకంటే ఈ ప్రీ రిలీజ్ ఈవెంట్ కి నా పేరెంట్స్ కూడా వచ్చారు అని భాగ్య శ్రీ చెప్పుకొచ్చింది. ఇక మిస్టర్ బచ్చన్ ను వివేక్ కూచిభొట్ల సహ నిర్మాతగా పీపుల్ మీడియా ఫ్యాక్టరీ పతాకంపై టీజీ విశ్వప్రసాద్ నిర్మిసిస్తుండగా, ఆగష్టు 15న ఈ సినిమా రిలీజ్ కి రెడీ అవుతుంది.