Bhagyasri Borse : బాలీవుడ్ బ్యూటీ భాగ్యశ్రీ బోర్సే పేరు ఇండస్ట్రీలో ఎక్కువగా వినిపిస్తుంది.. ఈ అమ్మడు తెలుగులో రవితేజ సినిమాతో ఎంట్రీ ఇవ్వబోతుంది. మాస్ మహారాజ రవితేజ , మాస్ డైరెక్టర్ కాంబినేషన్లో వస్తున్న లేటెస్ట్ మూవీ ‘మిస్టర్ బచ్చన్ ‘ . ఈ సినిమా ప్రస్తుతం షూటింగ్ దశలో ఉంది. ఈ సినిమా త్వరలోనే ప్రేక్షకుల ముందుకు రాబోతుంది.. ఈ సినిమాలో హీరోయిన్ గా ఈ బ్యూటీని తీసుకున్నారు. ఇప్పటివరకు ఈ సినిమా నుంచి వచ్చిన అప్డేట్స్ జనాలను బాగానే ఆకట్టుకున్నాయి. అందులో హీరోయిన్ లుక్ ఆసక్తిగా ఉండటంతో సినిమా పై అంచనాలు భారీగా ఉన్నాయి. ఇక ఈ హీరోయిన్ గురించి యూత్ తెగ గూగుల్ లో వెతికేస్తున్నారు.. ఆమె బ్యాగ్రౌండ్ ఏంటో ఒకసారి చూసేద్దామా..
భాగ్యశ్రీ బోర్సే పూణే కు చెందిన అమ్మాయి.. ఆమె వయసు 33 సంవత్సరాలు. ఇటీవలనే బాలీవుడ్ సినిమా యారియాన్ 2 హిందీ సినిమా రంగంలో అడుగుపెట్టింది. ఈ చిత్రంలో ఆమె నటనకు, అందాల ఆరబోతకు మంచి రెస్సాన్స్ వచ్చింది.. ఆ సినిమాను చూసిన డైరెక్టర్ హరీష్ శంకర్ ఆమెను రవితేజకు జోడిగా సెలెక్ట్ చేసుకున్నారు.. ఈ సినిమా ఇంకా పూర్తి కాలేదు కానీ స్టార్ హీరోల సినిమాల్లో ఈమె ఫిక్స్ చేసుకుంటున్నారు. నాని, విజయ్ దేవరకొండ , దుల్కర్ సల్మాన్ వంటి స్టార్ హీరోలు ఈమెతో సినిమాలు చేసేందుకు ఆసక్తి చూపిస్తున్నారు.
అయితే ఈమె గురించి ఎవరికీ తెలియని ఒక నిజం ఉంది.. అదేంటంటే ఆమె మోడల్ గా కెరీర్ ను మొదలు పెట్టిన ఈ అమ్మడు సినిమాల కన్నా ముందు ఓ యాడ్ చేసింది. క్యాడ్‌బరీ డైరీ మిల్క్ సిల్క్ యాడ్‌తో ఈ బ్యూటీ ఎక్కువగా ఫేమస్ అయింది. ఆ యాడ్ లో ఆమె అందానికి ఫిదా అయిన బాలీవుడ్ డైరెక్టర్ యారియాన్ 2లో ఛాన్స్ ఇచ్చారు.. ఆ సినిమాతో మంచి టాక్ ను అందుకుంది. ఇప్పుడు వరుస సినిమాల్లో నటిస్తూ బిజీగా ఉంది. ఈ సినిమాల్లో ఒక్క సినిమా హిట్ అయితే మాత్రం అతి తక్కువ కాలంలోనే స్టార్ హీరోయిన్ అవ్వడం పక్కా అని నెటిజన్లు అంటున్నారు..