Vijay Shanti: టాలీవుడ్ లేడీ సూపర్ స్టార్ గా పేరు సంపాదించుకున్న విజయశాంతి గురించి ప్రత్యేకంగా పరిచయం అవసరం లేదు. ఎన్నో సినిమాల్లో కీలక పాత్రలు పోషించి మంచి గుర్తింపును సంపాదించుకుంది. లేడీ ఫైటర్ గా తాను ముద్ర వేసుకుంది. ఇక ఈ నటి చిరంజీవి, బాలకృష్ణ, నాగార్జున ఇలా సీనియర్ హీరోలతో జతకట్టి మెప్పించింది.
మరీ ముఖ్యంగా చిరంజీవి, విజయశాంతి కాంబినేషన్లో వచ్చిన ప్రతి సినిమా కూడా సూపర్ హిట్ గా నిలిచింది. అయితే విజయశాంతి లేటెస్ట్ గా ఓ ఇంటర్వ్యూలో పాల్గొని చిరు పై ఆసక్తికర కామెంట్స్ చేసింది. యాంకర్.. 18 బ్యాచ్కు చెందిన ఆర్టిస్టులంతా ప్రతి సంవత్సరం ఒక చోట కలిసి ఎంజాయ్ చేస్తారు కదా మీరు ఆ పార్టీకి ఎందుకు వెళ్లరు అని ప్రశ్నించగా.. దానికి విజయశాంతి స్పందిస్తూ..” నన్ను చిరంజీవి ఎప్పుడూ ఆ పార్టీలకు పిలవలేదు.
పిలిచినా నేను వెళ్ళను. అలాంటి పార్టీలకు నేను చాలా దూరంగా ఉంటాను. షూటింగ్, రాజకీయాలు, ఇల్లు అంతే తప్పితే పార్టీలకు వెళ్ళను. అందువల్లే నన్ను అటువంటి పార్టీలకు చిరు సైతం పిలవరు. వాటిల్లో నేను కనిపించను. ” అంటూ చెప్పుకొచ్చింది విజయశాంతి. ప్రెసెంట్ ఈ రాములమ్మ కామెంట్స్ సోషల్ మీడియాలో వైరల్ అవుతున్నాయి. ఇక ప్రస్తుతం విజయశాంతి కళ్యాణ్ రామ్ హీరోగా నటించబోతున్న సినిమాలో ఒక కీలక పాత్ర పోషించనున్నట్లు వార్తలు వినిపిస్తున్నాయి.