Filmy Encyclopedia of Megastar Chiranjeevi: మెగాస్టార్ చిరంజీవి

బాల్యం: 

19955 వ సంవత్సరం ఆగస్టు 22న, పశ్చిమ గోదావరి జిల్లా, మొగల్తూరులో కొణిదెల వెంకట్రావు, అంజనాదేవి దంపతులకు కొణిదెల శివశంకర వరప్రసాద్ మొదటి సంతానంగా జన్మించారు.  తండ్రి పోలీస్ ఉద్యోగం కావడం వల్ల, చిరంజీవి (శివశంకర వరప్రసాద్) గారి బాల్యం  అంతా  వివిధ ప్రాంతాలలో గడిపారు. బాల్యం నుండే నటన మీద ఉన్న ఆసక్తితో, చదువు పూర్తి చేసిన తర్వాత 1976 లో చెన్నై వెళ్లి నటనలో శిక్షణ పొందారు. 

కుటుంబం:

చిరంజీవి గారికి అల్లు రామలింగయ్య గారి కుమార్తె సురేఖ గారితో 1980 ఫిబ్రవరి 20న వివాహం జరిగింది. సుష్మిత, రామ్ చరణ్, శ్రీజ వారి సంతానం. చిరంజీవిగారికి ఇద్దరు తమ్ముళ్లు నాగబాబు, పవన్ కళ్యాణ్. ఇద్దరు చెల్లెల్లు విజయదుర్గ, మాధవి. 

నట ప్రస్థానం:

నటనలో శిక్షణ పూర్తి చేసుకున్న తర్వాత , 1978లో చిరంజీవికి మొట్టమొదటి అవకాశం పునాదిరాళ్ళు ద్వారా వచ్చింది. కానీ, ప్రాణం ఖరీదు అనే చిత్రం ముందు విడుదల అయ్యింది.  ఎప్పటికప్పుడు తనని తాను మార్చుకుంటూ వచ్చిన ప్రతీ అవకాశాన్ని సద్వినియోగం చేస్కుని అశేష అభిమానుల్ని  సంపాదించుకున్నారు. మొదట చిన్న చిన్న పాత్రలకే పరిమితం అయినప్పట్టికీ, ప్రతినాయక పాత్రలద్వారా దర్శకులను, నిర్మాతలని మెప్పించి, 80 90 లలో పూర్తిగా వాణిజ్య విలువలున్న చిత్రాలలో కథానాయకుడిగా తనదైన ముద్ర వేశారు. అయన నటించిన కొన్ని చిత్రాలు బాక్స్ ఆఫీస్ రికార్డులని తిరగరాసాయి. బిగ్ బాస్ చిత్రానికి అయన అందుకున్న పారితోషం అక్షరాలా కోటి రూపాయలు. భారత దేశ సినీ చరిత్రలో కోటిరూపాయలు పారితోషికం అందుకున్న మొట్టమొదటి సినీ హీరో చిరంజీవి గారే. అప్పట్లో బాలీవుడ్ మీడియా “Bigger than Bacchan” అని కధనాలు ప్రచురించాయి.   

ఆయన ప్రధాన పాత్రలో నటించిన చిత్రాలు:

రాజకీయ ప్రస్తానం:

చిరంజీవిగారు 2008, ఆగస్టు 26న ఉమ్మడి ఆంధ్రప్రదేశ్ లో ప్రజారాజ్యం అనే ప్రాంతీయ పార్టీని స్థాపించారు. సామజిక న్యాయం, అవినీతి రహిత పరిపాలన అనే సిద్ధాంతాలతో రంగంలోకి దిగిన చిరంజీవి, పోటీచేసిన మొదటి అసెంబ్లీ ఎన్నికల్లో 18% ఓట్లని దక్కించుకున్నాడు. 294 స్థానాలకు గాను 18 స్థానాలలో ప్రజారాజ్యం పార్టీ గెలిచింది. చిరంజీవి తిరుపతి అసెంబ్లీ నియోజకవర్గం నుండి గెలుపొంది అసెంబ్లీ లో తన గళాన్ని వినిపించారు.  2011 లో ప్రజారాజ్యం పార్టీ భారతీయ కాంగ్రెస్ పార్టీ తో చేతులు కలిపి, విలీనం అయ్యింది. ఆ తర్వాత చిరంజీవిగారు  జాతీయ పర్యాటక శాఖా మంత్రివరులుగా కొనసాగి, 2014 లో రాజకీయాలనుండి వైదొలిగారు.    

సేవా కార్యక్రమాలు:

1998 గాంధీ జయతి నాడు “చిరంజీవి చారిటబుల్ ట్రస్ట్” స్థాపించబడింది. ఈ చారిటబుల్ ట్రస్ట్ కింద బ్లడ్ బ్యాంకు, ఐ బ్యాంకు సేవలు అందిస్తున్నాయి. తెలుగు రాష్ట్రాలలో అత్యధికంగా రక్త, నేత్ర దానాలు జరుపుతున్న సంస్థలుగా ఇవి గుర్తింపు పొందాయి. 

సినిమా అభిమానాన్ని సంఘసేవ వైపు మల్లింపజేసి, ఎంతోమందికి కంటిచూపుని, ప్రాణాలని కాపాడేలా చేయడం చిరంజీవి గారు సాధించిన ఘనవిజయంగా చెప్పుకోవచ్చు. అత్యుత్తమ సేవాసంస్థలుగా ఎన్నోసార్లు ఇవి రాష్త్ర ప్రభుత్వం నుండి అవార్డులు పొందాయి. 

This page will be updated continuously.