లేడి ఓరియెంటెడ్ సినిమాలు అంటే, ఏదో థ్రిల్లర్, హారర్ జోనర్ లో వస్తాయని అనుకుంటారు. కానీ డ్రామా జోనర్ లో వస్తాయని ఎవరూ ఊహించరు. డ్రామా జోనర్ లో వచ్చే సినిమాలను ప్రేక్షకలు ఆదరించడం కూడా కష్టమే. అందుకే దర్శకులు ఈ జోనర్ లో లేడీ ఓరియెంటెడ్ సినిమాలు చేయడానికి ధైర్యం చేయరు.
కానీ తమిళ దర్శకుడు గౌతమ్ రామచంద్రన్ ధైర్యం చేసి డ్రామా జోనర్ లో లేడీ ఓరియెంటెడ్ సినిమా తెరకెక్కించాడు. డైరెక్టర్ గౌతమ్ రామచంద్రన్ ఈ ధైర్యం చేయడానికి రెండు కారణాలు ఉండచ్చు.
ఒకటి స్టోరీ, రెండు లేడీ పవర్ స్టార్ సాయి పల్లవి ఉండటం అని చెప్పొచ్చు. అందుకే సాయి పల్లవితో “గార్గి” అనే ద్వి భాష చిత్రాన్ని తెరకెక్కించాడు.
ఈ గార్గి ట్రైలర్ ను కాసేపటి క్రితం మేకర్స్ విడుదల చేశారు. ఈ ట్రైలర్ చూస్తూంటే, టీచర్ ఉద్యోగం చేస్తున్న ఒక మధ్య తరగతి యువతి కథ అని అర్థమవుతుంది. తండ్రి ఓ కేసులో అరెస్టు అయితే, కూతురు న్యాయం కోసం చేసే పోరాటమే ఈ “గార్గి” అని తెలుస్తుంది.
సాధారణంగా కోర్టులు, కేసులు అంటే యువకులు కూడా వెనకడుగు వేస్తారు. కానీ, ఓ యువతి తన తండ్రిని కాపాడటానికి పోలీసు స్టేషన్లు, కోర్టు మెట్లు ఎక్కడం కాస్త ఇంట్రెస్టింగ్ గా ఉంది.
అలాగే, లేడీ పవర్ స్టార్ సాయి పల్లవి ఎప్పటి లాగే నటనతో ఆకట్టుకుంటుంది. ట్రైలర్ ను చూస్తే, ఈ సినిమా మొత్తం వన్ ఉమెన్ షో ఉన్నట్టు అర్థమవుతుంది.
మొత్తంగా “గార్గి” ట్రైలర్ సినిమా అంచనాలను భారీగానే పెంచింది. కాగా, ఈ సినిమా తమిళం, తెలుగు భాషలలో ఈ నెల 15న థియేటర్స్ లో విడుదల కాబోతుంది.