ఇండియన్ సినీ ఇండస్ట్రీలో కొన్ని చిత్రాలు భారీ బడ్జెట్తో తెరకెక్కి అంతకుమించి కలెక్షన్లు వసూలు చేసి రికార్డు సృష్టించాయి. మరి ఇప్పటివరకు మన ఇండియన్ సినిమాలలో విడుదలైన పది రోజుల్లోనే అత్యధిక కలెక్షన్స్ వసూలు చేసిన టాప్ -10 గా నిలిచిన చిత్రాలను ఇప్పుడు చూద్దాం..
1. కల్కి 2898AD(2024):
రెబల్ స్టార్ ప్రభాస్ హీరోగా ప్రముఖ డైరెక్టర్ నాగ్ అశ్విన్ దర్శకత్వంలో వైజయంతి మూవీస్ బ్యానర్ పై సుమారు రూ.600 కోట్లకు పైగా బడ్జెట్ తో తెరకెక్కిన చిత్రం కల్కి 2898AD.. మొదటి షో తోనే హిట్ టాక్ సొంతం చేసుకున్న ఈ సినిమా విడుదలైన తొలి పది రోజుల్లోనే రూ.825 కోట్లకు పైగా కలెక్షన్స్ వసూలు చేసి.. నంబర్ వన్ స్థానాన్ని దక్కించుకుంది.
2.ఆర్ ఆర్ ఆర్ (2022):
యంగ్ టైగర్ ఎన్టీఆర్ మెగా పవర్ స్టార్ రామ్ చరణ్ కాంబినేషన్లో మల్టీ స్టారర్ మూవీగా తెరకెక్కిన చిత్రం ఆర్ ఆర్ ఆర్.. ఎస్.ఎస్. రాజమౌళి దర్శకత్వంలో వచ్చిన ఈ సినిమా ప్రపంచ స్థాయి గుర్తింపును దక్కించుకుంది.. ఈ సినిమా విడుదలైన పది రోజుల్లోనే రూ.744.5 కోట్లు వసూలు చేసి రికార్డు సృష్టించింది.
3. బాహుబలి 2(2017):
ఎస్.ఎస్. రాజమౌళి దర్శకత్వంలో రెబల్ స్టార్ ప్రభాస్, దగ్గుబాటి రానా కాంబినేషన్లో వచ్చిన మరో మల్టీస్టారర్ మూవీ బాహుబలి.. ఈ సినిమా సీక్వెల్ బాహుబలి 2 2017 లో వచ్చి.. విడుదలైన 10 రోజుల్లోనే ఏకంగా రూ.736.12 కోట్లు వసూలు చేసింది.
4. కే జి ఎఫ్ : చాప్టర్ 2 (2022):
ప్రముఖ కన్నడ డైరెక్టర్ ప్రశాంత్ నీల్ దర్శకత్వంలో.. కన్నడ హీరో యష్ హీరోగా తెరకెక్కిన చిత్రం కేజిఎఫ్.. ఈ సినిమా సీక్వెల్ గా వచ్చిన కేజిఎఫ్ చాప్టర్ 2 సినిమా భారీ రికార్డులను క్రియేట్ చేసింది.. అంతే కాదు విడుదలైన పది రోజుల్లోనే రూ.639.5 కోట్లు వసూలు చేసి నాలుగవ స్థానాన్ని దక్కించుకుంది.
5. సలార్ (2023):
రెబల్ స్టార్ ప్రభాస్ హీరోగా ప్రశాంత్ నీల్ దర్శకత్వంలో తెరకెక్కిన చిత్రం సలార్.. గత ఏడాది విడుదలైన ఈ సినిమా మంచి విజయాన్ని అందుకుంది.. అంతే కాదు విడుదలైన 10 రోజుల్లోనే రూ.634.2 కోట్లు వసూలు చేసి రికార్డు సృష్టించింది.
6. పఠాన్ (2023):
సిద్దార్థ్ ఆనంద్ దర్శకత్వంలో బాలీవుడ్ బాద్ షా షారుక్ ఖాన్ రీయంట్రీ లో నటించిన చిత్రం పఠాన్.. ఈ సినిమా భారీ బ్లాక్ బాస్టర్ విజయాన్ని అందుకోవడమే కాదు కలెక్షన్ల కోత కోసింది.. విడుదలైన 10 రోజుల్లోనే రూ.629.2 కోట్లు వసూలు చేసింది.
7. జవాన్(2023):
ప్రముఖ కోలీవుడ్ డైరెక్టర్ అట్లీ దర్శకత్వంలో షారుక్ ఖాన్ హీరోగా నటించిన చిత్రం జవాన్.. ఈ సినిమా కూడా మంచి విజయాన్ని అందుకుంది.. అంతేకాదు విడుదలైన పది రోజుల్లోనే రూ.623.5 కోట్లు వసూలు చేసి రికార్డ్ సృష్టించింది.
8. లియో (2023):
కోలీవుడ్ దళపతి విజయ్ హీరోగా.. లోకేష్ కనగరాజు దర్శకత్వంలో త్రిష హీరోయిన్ గా వచ్చిన చిత్రం లియో.. ఈ సినిమా కూడా విడుదలైన 10 రోజుల్లోనే రూ.615.2 కోట్లు వసూలు చేసింది.
9. ఆది పురుష్ (2023):
బాలీవుడ్ డైరెక్టర్ ఓం రౌత్ దర్శకత్వంలో.. ప్రభాస్ రాముడిగా, కృతి సనన్ సీతగా నటించిన చిత్రం ఆది పురుష్.. ఈ సినిమా కలెక్షన్ల పరంగా బాగానే రాబట్టిన కథపరంగా డిజాస్టర్ గా నిలిచింది. ఇక ఈ సినిమా విడుదలైన 10 రోజుల్లోనే రూ .608.5 కోట్లు రాబట్టి 9వ స్థానాన్ని దక్కించుకుంది.
10). ధూమ్ 3 (2013):
విజయ్ కృష్ణ ఆచార్య దర్శకత్వంలో అమీర్ ఖాన్ హీరోగా నటించిన చిత్రం ధూమ్ 3. ఈ సినిమా కూడా మంచి విజయాన్ని అందుకుంది. అంతేకాదు విడుదలైన పది రోజుల్లోనే రూ.586.6 కోట్లు వసూలు చేసింది.