Kalki: ప్రస్తుతం ప్రపంచవ్యాప్తంగా ఆడియన్స్ అందరు ఎదురుచూస్తున్న సినిమా కల్కి. పాన్ ఇండియా స్టార్ ప్రభాస్ నటిస్తున్న ఈ సినిమాపై ఎన్నో అంచనాలు ఉన్నాయి. బాహుబలి సినిమా తర్వాత ప్రభాస్ నుంచి ఏ సినిమా వచ్చినా కూడా ప్రపంచ వ్యాప్తంగా ఆడియన్స్ ఎదురు చూడటం మొదలుపెట్టారు. అయితే ఆ తర్వాత వచ్చిన సినిమా లేవి అంతగా ఆకట్టుకోలేదు. ప్రశాంత్ నీల్ దర్శకత్వంలో వచ్చిన సలార్ సినిమా అద్భుతమైన కలెక్షన్స్ లో రాబట్టింది.
అంచనాలన్నీ కల్కి సినిమా పైన
కేవలం ప్రభాస్ అభిమానులు మాత్రమే కాకుండా, ఎంతోమంది వేయి కళ్లతో ఎదురుచూస్తున్న సినిమా ఈ కల్కి. ఈ సినిమాలో ప్రభాస్ తో జంటగా దీపికా పదుకొనే కనిపించడం ఉంది. కమలహాసన్, అమితాబచ్చన్ వంటి పెద్ద పెద్ద స్టార్లు సినిమాలు నటించనున్నారు. అయితే ఈ సినిమాలో కమలహాసన్ పాత్ర కేవలం 20 నిమిషాలు మాత్రమే ఉంటుందని వార్తలు వినిపిస్తున్నాయి. సెకండ్ పార్ట్ లో దాదాపు 90 నిమిషాల వరకు కమలహాసన్ పాత్ర ఉంటుందని తెలుస్తుంది. ఈ సినిమాకి సంతోష్ నారాయణ సంగీతం అందిస్తున్నారు.
కల్కి సినిమా నుంచి బుజ్జి పరిచయం
కల్కి సినిమాకి సంబంధించి స్క్రాచ్ వీడియో అంటూ పార్ట్ పార్ట్ లుగా వీడియోలు రిలీజ్ చేస్తున్న సంగతి తెలిసిందే. ఇకపోతే రీసెంట్ గా కూడా బుజ్జిని పరిచయం చేస్తున్నామంటూ ఒక వీడియోను రిలీజ్ చేశారు. ఆ వీడియో కి కీర్తి సురేష్ వాయిస్ ఓవర్ ను వాడారు. ఇకపోతే బుజ్జిని రేపు పరిచయం చేయబోతున్నట్లు తెలుస్తోంది. అయితే రామోజీ ఫిలిం సిటీ లో రేపు సాయంత్రం ఐదు గంటలకు ఈ సినిమాకి సంబంధించిన ఈవెంట్ ను నిర్వహించనున్నారు. ఈవెంట్ కి ఎంట్రీ పాస్ తప్పనిసరిగా ఉండాలి అని రిలీజ్ చేసిన పోస్టర్లో తెలిపారు. ఇకపోతే ఈ సినిమా టీం ఫస్ట్ టైం పబ్లిక్ తో ఇంట్రాక్ట్ అవుతుంది. ఈ సినిమా ప్రోమోషన్స్ ఇక్కడి నుంచి మొదలయ్యాయి అని చెప్పుకోవచ్చు.