LoveYapa : కోలీవుడ్ లో రెండేళ్ల కింద వచ్చిన “లవ్ టుడే” సినిమా ఎంత పెద్ద హిట్టయ్యిందో ప్రత్యేకంగా చెప్పనక్కర్లేదు. ప్రదీప్ రంగనాథన్ స్వీయ దర్శకత్వంలో నటించి నిర్మించిన ఆ సినిమా చిన్న సినిమాగా విడుదలై భారీ విజయం సాధించింది. ఏకంగా 100 కోట్ల వసూళ్లనందుకున్న ఆ సినిమా తెలుగులో కూడా రిలీజ్ అయి సూపర్ హిట్ అయింది. ఇప్పుడు ఆ సినిమా హిందీలో రీమేక్ కాబోతుంది. రొమాంటిక్ – కామెడీ ఎంటర్టైనర్ గా తెరకెక్కిన “లవ్ టుడే” హిందీలో ‘లవ్ యాపా’ (LoveYapa) అనే టైటిల్ తో తెరకెక్కబోతుంది. అయితే ఈ సినిమాలో హీరోయిన్ గా బాలీవుడ్ స్టార్ కిడ్ జాన్వీ కపూర్ చెల్లెలు ఖుషి కపూర్ హీరోయిన్ గా నటించబోతుందని సమాచారం. అతి త్వరలోనే ఈ సినిమా షూటింగ్ స్టార్ కాబోతుంది.
ఖుషి కపూర్ కి బెస్ట్ మూవీ అవుతుందా?
ఇక లవ్ టుడే హిందీ రీమేక్ లో జునైద్ ఖాన్ మరియు ఖుషీ కపూర్ లు జంటగా రీమేక్ అవుతుంది. ఇక ఈ సినిమాను సీక్రెట్ సూపర్ స్టార్, లాల్ సింగ్ చద్దా సినిమాలు తెరకెక్కించిన అద్వైత్ చందన్ దర్శకత్వం వహిస్తున్నారు. ఇక తాజా సమాచారం ప్రకారం లవ్ టుడే హిందీ రీమేక్‌కు లవ్ యాపా అనే టైటిల్ పెట్టగా, ప్రేమ మరియు అనుమానం కలయికను వివరించడానికి ఉపయోగించే పదం పేరు పెట్టారని టాక్. ఇక జునైద్ మరియు ఖుషీ కపూర్ ఈ సినిమాలో ప్రేమకథలో గాఢంగా ప్రేమించే యువ జంటగా నటిస్తున్నారు. ఫాంటమ్ స్టూడియోస్ మరియు AGS ఎంటర్‌టైన్‌మెంట్‌లచే నిర్మించబడిన లవ్యాపా షూటింగ్ మే 27న ప్రారంభమై ప్రస్తుతం ముంబైలోని మీరా రోడ్‌లో చిత్రీకరణ జరుపుకుంటోంది. రిపోర్ట్‌ ప్రకారం జులై కి రెండు వారాల ముందే అవుట్‌డోర్ షూట్ పూర్తి చేయాలని మేకర్స్ చూస్తున్నారు. ఇదిలా ఉండగా, జూన్ 14న నెట్‌ఫ్లిక్స్‌లో విడుదల కానున్న YRF యొక్క మహారాజ్‌తో జునైద్ ఖాన్ తన అరంగేట్రం చేస్తున్నాడు. మరోవైపు, ఖుషీ కపూర్ నెట్‌ఫ్లిక్స్ యొక్క ఆర్చీస్‌తో తన అరంగేట్రం చేసింది. మరియు తన రెండవ చిత్రం నాదనియన్ షూటింగ్‌ను పూర్తి చేసింది. లవ్ టుడే సినిమాతో ఖుషి కపూర్ బాలీవుడ్ లో స్టార్ హీరోయిన్ అయ్యే ఛాన్సులు పుష్కలంగా ఉన్నాయి.
కోలీవుడ్ లో బ్లాక్ బస్టర్..
ఇక ఒరిజినల్ లవ్ టుడే చిత్రానికి ప్రదీప్ రంగనాథన్ దర్శకత్వం వహించారు. ఇవానాతో పాటు ప్రధాన పాత్ర పోషించాడు. ఈ చిత్రం నవంబర్ 2022లో విడుదల కాగా, కేవలం 10 కోట్ల లోపు బడ్జెట్‌తో తెరకెక్కిన ఈ సినిమా ప్రపంచవ్యాప్తంగా 100 కోట్లకు పైగా గ్రాస్‌తో భారీ బాక్సాఫీస్ విజయాన్ని సాధించింది. తెలుగులో కూడా ఈ సినిమా 20 కోట్లకి పైగా కలెక్షన్స్ రాబట్టడం విశేషం. ఇక ఇప్పుడు బాలీవుడ్ లో రీమేక్ కాబోతున్న ఈ సినిమాతో ఖుషి కపూర్ స్టార్ హీరోయిన్ గా అయ్యే ఛాన్స్ ఉంది. ఈ సినిమా కంటెంట్ కూడా నేటి యువతకు సరిపోయేలా కరెక్ట్ గా ఉంది కాబట్టి, ఆడియన్స్ ఈ సినిమాకు అట్రాక్ట్ అవుతారనడంలో సందేహం లేదు.