Malaika Arora.. ప్రముఖ బాలీవుడ్ నటి మలైకా అరోరా (Malaika Arora) తండ్రి తాజాగా ఆత్మహత్యకు పాల్పడినట్లు బీటౌన్ వర్గాలు చెబుతున్నాయి. ఈరోజు ఉదయం 9 గంటలకు ముంబై లోని బాంద్రా లో ఏడంతస్తుల భవనం పైనుంచి దూకి ఆయన ఆత్మహత్య చేసుకున్నట్లు బాలీవుడ్ ఇండస్ట్రీలో వార్తలు వైరల్ అవుతున్నాయి. ఘటన స్థలానికి పోలీసులు చేరుకోగా.. పూర్తి వివరాలు తెలియాల్సి ఉంది. ఇకపోతే మలైకా తండ్రి ఆత్మహత్య చేసుకోవడం వెనుక గల కారణాలు ఏంటా అంటూ అభిమానుల సైతం ఆరా తీయడం మొదలుపెట్టారు. మరి ఆయన మరణానికి గల పూర్తి కారణాలు త్వరలోనే తెలియనున్నాయి. ఇక తండ్రి ఆత్మహత్య చేసుకున్నాడని తెలియడంతో మలైకా షాక్ లో ఉండిపోయిందని సమాచారం. ఈ విషయం తెలిసి మలైకా అభిమానులు కూడా ఇలాంటి సమయంలో గుండె నిబ్బరంగా ఉండాలి అని ఆమెకు ధైర్యం చెప్పే ప్రయత్నం చేస్తున్నారు.
మలైకా తండ్రి ఆత్మహత్య.. ఆమె కారణమా ..?
తాజాగా అందుతున్న సమాచారం ప్రకారం.. మలైకా తండ్రి ఆత్మహత్యకు కారణం కూతురి విడాకులే అంటూ వార్తలు వినిపిస్తున్నాయి. 1998లో అర్బాజ్ ఖాన్ ను వివాహం చేసుకున్న ఈమె, 2017లో అతని నుంచి వేరుపడింది.. దాదాపు 19 సంవత్సరాల పాటూ వైవాహిక జీవితంలో సంతోషంగా ఉన్న ఈ జంట, సడన్గా విడాకులు తీసుకోవడంతో ఆ విషయాన్ని మలైకా తండ్రి జీర్ణించుకోలేకపోయారు. నిజానికి ఈమె తల్లిదండ్రులు కూడా ఈమెకు 11 సంవత్సరాల వయసున్నప్పుడు విడిపోయారు. ఇక తల్లిదండ్రులు విడిపోయినా సరే పిల్లలు ఇద్దరూ.. తమ తల్లిదండ్రులతో కలిసి ఉండేవారు. ఇక తమ లాగే తమ కూతురు కూడా విడాకులు తీసుకొని వేరుపడడంతో ఒత్తిడిని ఆయన భరించలేకపోయారు. దీంతో అనారోగ్య బారిన పడ్డారు.
ఒత్తిడిని భరించలేకపోయినా మలైకా తండ్రి..
దీనికి తోడు 2019 నుంచి ఈమె అర్జున్ కపూర్ తో రిలేషన్ కొనసాగిస్తోంది. ఈ విషయంపై కూడా ఈమెపై రకరకాల రూమర్సు స్ప్రెడ్ అయ్యాయి. ఇక కూతురుని చాలామంది ఇలా విచక్షణ రహితంగా సోషల్ మీడియాలో ట్రోల్ చేస్తుండడంతో మరింత ఒత్తిడికి గురైన మలైకా అరోరా తండ్రి ఈ విషయాలను జీర్ణించుకోలేక ముంబైలో ఉన్న బాంద్రాలోని ఏడంతస్తుల బిల్డింగ్ పైనుంచి దూకి ఆత్మహత్య చేసుకున్నాడు అంటూ వార్తలు వినిపిస్తున్నాయి. మరి ఆయన ఆత్మహత్యకు గల నిజమైన కారణాలు బయటకు రాలేదు కానీ ఇది కూడా ఒక కారణం అన్నట్టుగా వార్తలు వినిపిస్తూ ఉండడం గమనార్హం.
మలైకా అరోరా కెరియర్..
మలైకా అరోరా విషయానికి వస్తే బాలీవుడ్ నటిగా గుర్తింపు తెచ్చుకున్న ఈమె ఒకవైపు హీరోయిన్ గా పలు హిందీ చిత్రాలలో నటించింది. ఈమె నటి మాత్రమే కాదు మోడల్, నృత్య కళాకారిణి అలాగే టీవీ హోస్ట్ కూడా. 2008లో తన మాజీ భర్త అర్బాజ్ ఖాన్ తో కలిసి అర్బాజ్ ఖాన్ ప్రొడక్షన్ పేరుతో చిత్ర నిర్మాణాన్ని కూడా స్థాపించింది.. ఈ ప్రొడక్షన్ హౌస్ లో సల్మాన్ ఖాన్ దబాంగ్ చిత్రాన్ని నిర్మించిన విషయం తెలిసిందే.