Mr Bachchan: హరీష్ శంకర్ రవితేజ కాంబినేషన్లో వచ్చిన సినిమా మిస్టర్ బచ్చన్. హిందీలో బ్లాక్ బస్టర్ హిట్టుగా నిలిచిన రైడ్(Raid) సినిమాకి రీమేక్ గా ఈ సినిమాను తెరకెక్కించారు. ఇది చాలా సీరియస్ సబ్జెక్ట్ కానీ రీమేక్ సినిమాలను ఎంటర్టైన్మెంట్ వే లో డీల్ చేయగల సామర్థ్యం హరీష్ శంకర్(Harish Shankar) కి ఉంది కాబట్టి చాలామంది ఈ సినిమా మీద మంచి నమ్మకాలు పెట్టుకున్నారు. ఈ సినిమాకి సంబంధించిన కంటెంట్ కూడా సినిమా పైన మంచి అంచనాలను పెంచింది. మిక్కీ జే మేయర్ అందించిన సాంగ్స్ ఒకదాన్ని మించి ఒకటి హిట్ అయ్యాయి.
ఈ సినిమాను ఆగస్టు 15 సందర్భంగా రిలీజ్ చేశారు. అయితే ఈ సినిమాకు ముందు మంచి పాజిటివ్ టాక్ ఉంటుంది. ప్రీమియర్ షో పడినప్పుడు కూడా పాజిటివ్ టాక్ తో ఈ సినిమా ముందుకు దూసుకుపోయింది. ఈ సినిమాకి సంబంధించి టీజర్ ట్రైలర్ అన్ని కూడా ఈ సినిమా పైన మంచి బజ్ క్రియేట్ చేసేయ్. ఈ సినిమాకి సంబంధించి ప్రీమియర్ షో కంప్లీట్ అయ్యే టైంకి నెగెటివ్ టాక్ కూడా స్టార్ట్ అయింది. ఉన్నపలంగా ఉన్న పాజిటివ్ టాక్ అంతా నెగిటివ్ గా మారిపోయింది. ఇదంతా కావాలని నెగిటివ్ టాక్ స్ప్రెడ్ చేశారా అనే అనుమానాలు కూడా వచ్చాయి.
ఈ సినిమాకు సంబంధించి హరీష్ శంకర్ కూడా చాలా ఇంటర్వ్యూస్ ఇచ్చాడు. ఇంతకుముందు తన సినిమాలకు ఎప్పుడూ లేనివిధంగా చాలా మందితో మాట్లాడాడు. ట్విట్టర్లో ప్రతి పోస్ట్ షేర్ చేయడం మొదలుపెట్టాడు. ఇక రవితేజ(Ravi Teja)లో ఎప్పటినుంచో మిస్సయిన ఎనర్జీని ఈ సినిమాతో బయటికి తీస్తాడు అంటూ చాలామంది ఊహించారు. కానీ అది కూడా పూర్తిస్థాయిలో జరగలేదు. అనవసరమైన కామెడీ ట్రాక్ తో ఈ సినిమా ఏటేటో వెళ్లిపోయింది. హరీష్ ని సినిమాకి ముందు ఎంతమంది పొగిడారు సినిమా తర్వాత అంతకుమించి ట్రోల్ చేశారనేది వాస్తవంగా జరిగింది.