OG Update : మెగా ఫ్యాన్స్ ఈగర్ గా వెయిట్ చేస్తున్న మోస్ట్ అవైటెడ్ మూవీ ఓజీ. పవర్ స్టార్ పవన్ కళ్యాణ్ హీరోగా నటిస్తున్న ఈ సినిమా నుంచి కీలక అప్డేట్ ను పంచుకున్నారు మ్యూజిక్ డైరెక్టర్ తమన్. పవన్ అభిమానులకు పూనకాలు వచ్చేలా ఈ మూవీలో ఓ సాంగ్ కోసం పాపులర్ ఏపీ ఫోక్ సింగర్ ను రంగంలోకి దించబోతున్నాడు.
స్టేజ్ పైనే తమన్ ప్రకటన
ఆహా ప్రస్తుతం ‘తెలుగు ఇండియన్ ఐడల్ సీజన్ 3’తో ప్రేక్షకులను ఆకట్టుకుంటుంది, ఇందులో థమన్, గీతా మాధురి, కార్తీక్ న్యాయనిర్ణేతలుగా ఉన్నారు. అనేక చిత్రాలకు సంగీతాన్ని రూపొందించే తన బిజీ షెడ్యూల్ మధ్య థమన్ ఒక ముఖ్యమైన ప్రకటనతో ఈ సింగింగ్ స్టేజ్ పైనే అభిమానులను, కంటెస్టెంట్స్ ను ఆశ్చర్యపరిచాడు. పవర్ స్టార్ పవన్ కళ్యాణ్ అత్యంత ప్రతిష్టాత్మకమైన చిత్రం దే కాల్ హిమ్ ఓజీ అనే మూవీలో ఒక పాటకు సింగర్ ను అనౌన్స్ చేశారు తమన్. తెలుగు ఇండియన్ ఐడల్ సీజన్ 3 మంత్రముగ్దులను చేసే పర్ఫార్మన్స్ ఇచ్చిన జానపద గాయని లక్ష్మి చేత ఓజీలో ఓ పాట పాడించబోతున్నట్టు తమన్ వెల్లడించాడు. వేదిక పై తమన్ నుంచి వచ్చిన ఈ ఊహించని ప్రకటనకు లక్ష్మి సంతోషంలో మునిగిపోయింది.
సుజీత్ దర్శకత్వం వహిస్తున్న గ్యాంగ్ స్టర్ డ్రామా ఓజీలో ప్రియాంక అరుల్ మోహన్ కథానాయికగా నటిస్తోంది. ఈ చిత్రాన్ని డివివి దానయ్య భారీ బడ్జెట్ తో నిర్మిస్తున్నారు. ఈ సంవత్సరం చివరి నాటికి ఓజీ ప్రేక్షకుల ముందుకు రానుందని ప్రచారం జరిగింది. కానీ పవన్ ఎన్నికల తరువాత తన టైమ్ ను రాజకీయాలకే కేటాయిస్తుండడంతో ఈ ఏడాది ఓజీ రిలీజ్ అనుమానమే.
ప్యానెల్ స్టాండింగ్ ఒవేషన్
తెలుగు ఇండియన్ ఐడల్ షో సంగీత పరిశ్రమలో అసాధారణ ప్రతిభను పెంపొందించడంలో తన అంకితభావాన్ని మరోసారి నిరూపించుకుంది. షోలో న్యాయనిర్ణేతగా ఉన్న మ్యూజిక్ డైరెక్టర్ ఎస్ఎస్ థమన్ ఆంధ్రప్రదేశ్‌కు చెందిన ప్రతిభావంతురాలైన జానపద గాయని లక్ష్మికి గొప్ప అవకాశాన్ని అందించడమే అందుకు నిదర్శనం. తెలుగు ఇండియన్ ఐడల్ సీజన్ 3 తాజా ఎపిసోడ్‌లో లక్ష్మీ గెస్ట్ పర్ఫార్మెన్స్ కు థమన్ ముగ్ధుడయ్యాడు. దీంతో ఆమెకు ఏకంగా ఓజీ లాంటి సినిమాలో పాడే అవకాశం దక్కింది. మరో ఇద్దరు జడ్జీలు గీతా మాధురి, విజయ్ యేసుదాస్‌తో పాటు ప్యానెల్ ఆమె టాలెంట్ ను పొగుడుతూ స్టాండింగ్ ఒవేషన్ ఇవ్వడం విశేషం. తెలుగు ఇండియన్ ఐడల్ సీజన్ 3 రాబోయే ఎపిసోడ్‌లో లక్ష్మి పర్ఫార్మెన్స్ ను చూడవచ్చు. ప్రతి శుక్రవారం, శనివారం ఈ సింగింగ్ షో ఆహాలో ప్రసారం అవుతుంది.
మూడు నెలల తరువాతే సెట్లోకి
కాగా పవన్ కళ్యాణ్ ప్రస్తుతం రాజకీయాలతో బిజీగా ఉండడం వల్ల మూడు నెలల తరువాత తన సినిమాల సెట్లోకి అడుగు పెడతానని ప్రకటించిన విషయం తెలిసిందే. మరి ఓజీ మూవీ షూటింగ్ ఎప్పుడు పూర్తవుతుందో, ఈ మూవీ ఎప్పుడు థియేటర్లలోకి వస్తుందో చూడాలి.