Kalki: ప్రస్తుతం తెలుగు ఫిల్మ్ ఇండస్ట్రీలో ఎంతో ప్రతిష్టాత్మకంగా నిర్మితమైన చిత్రం అంటే కల్కి అని చెప్పొచ్చు. రిలీజ్ అయిన మొదటి రోజు నుంచే ఈ సినిమా బ్లాక్ బస్టర్ హిట్ గా నిలిచి ప్రేక్షకులను అలరిస్తుంది. ఈ సినిమాకు సంబంధించి ఇప్పటికే పెట్టిన బడ్జెట్ కూడా రికవరీ అయిపోయిందని చెప్పొచ్చు. ఈ సినిమా కలెక్షన్స్ దాదాపు 700 కోట్లను దాటిపోయాయి. మైథాలజికల్ సైన్స్ ఫిక్షన్ జానెర్ లో వచ్చిన మొదటి సినిమా ఇది. దర్శకుడు నాగ్ అశ్విన్ సినిమాను అద్భుతంగా తెరకెక్కించాడు.
ఇకపోతే ఈ సినిమా దాదాపు నాలుగు భాగాలుగా రానున్నట్లు వార్తలు వినిపిస్తూ వస్తున్నాయి. అయితే మొదటి భాగంలో కేవలం 20 నిమిషాలు మాత్రమే కనిపించిన కమల్ హాసన్, రెండవ భాగంలో దాదాపు 90 నిమిషాల పాటు కనిపిస్తారని తెలుస్తుంది. ఇకపోతే ఈ సినిమాలో ప్రభాస్ తో పాటు అమితాబచ్చన్, కమలహాసన్, దీపికా పదుకొనే వంటి నటులతో పాటు మిగతా ఇండస్ట్రీ నుంచి చాలా ప్రముఖులు కూడా ఈ సినిమాలో కనిపించారు. తెలుగు డైరెక్టర్లు కూడా అక్కడక్కడా దర్శనం ఇచ్చారు.
కల్కి సినిమా చూసిన ప్రతి ఒక్కరికి కూడా బాగా కనెక్ట్ అయిన క్యారెక్టర్ అశ్వద్ధామ. సినిమా మొదటి నుంచి కూడా చివరి వరకు అమితాబచ్చన్ నటించిన తీరు చాలామందిని విపరీతంగా ఆకట్టుకుంది. సినిమా చూసి బయటికి వచ్చిన చాలామంది ఈ సినిమాకి అసలైన హీరో అమితాబచ్చన్ అంటూ చెప్పుకొచ్చారు. ఇక రీసెంట్గా అశ్విని దత్ ఇచ్చిన ఒక ఇంటర్వ్యూలో ఈ సినిమాకి అసలైన హీరో అమితాబచ్చన్ అని ప్రభాస్ తనతో అన్నారని చెప్పుకొచ్చారు. ఈ సినిమాకి అసలైన హీరో అమితాబచ్చన్ సో మనం ఆయనను గౌరవించాలి అలానే కమల్ హాసన్ గారితో చేయాలనుకున్న నా డ్రీమ్ కూడా పూర్తయింది అంటూ ప్రభాస్ అశ్విని దత్ తో చెప్పాడు.