S.Shankar.. రోబో చిత్రాలతో లైమ్ లైట్ లోకి వచ్చిన కోలీవుడ్ డైరెక్టర్ ఎస్. శంకర్ గురించి పరిచయాలు ప్రత్యేకంగా అవసరం లేదు.. ప్రస్తుతం ఈయన తెలుగులో రామ్ చరణ్ తో గేమ్ ఛేంజర్ సినిమాను తెరకెక్కిస్తూనే.. మరొకవైపు కమలహాసన్ తో ఇండియన్ 2 చిత్రాన్ని కూడా తెరకెక్కించబోతున్నారు.. ఒకేసారి రెండు సినిమా షూటింగ్లలో పాల్గొంటూ రెండు సినిమాలను విడుదల చేయడానికి సిద్ధమవుతున్నారు.. అయితే ముందుగా కమలహాసన్ నటిస్తున్న ఇండియన్ 2 సినిమా జూలై 12వ తేదీన చాలా గ్రాండ్గా విడుదల కాబోతున్న విషయం తెలిసిందే. ఇక తాజాగా ఈ సినిమా కోసం కమల్ హాసన్ అభిమానులే కాదు కాజల్ అగర్వాల్ అభిమానులు కూడా ఎంతో ఆసక్తిగా ఎదురు చూస్తున్నారు.. ఇందుకు కారణం ఈ సినిమాలో కాజల్ కీలకపాత్ర పోషిస్తోందని వార్తలు వెలువడమే..
చెన్నైలో ఇండియన్ 2 ఆడియో లాంచ్ ఈవెంట్..
ఇదిలా ఉండగా ఈ సినిమా తెలుగు, తమిళ్, హిందీ భాషల్లో విడుదల కాబోతోంది. ఇక అందులో భాగంగానే విడుదల తేదీ దగ్గర పడుతుండడంతో ప్రమోషన్స్ చేపట్టారు చిత్ర బృందం. ఈ క్రమంలోనే ఇండియన్ 2 ఆడియో లాంచ్ కార్యక్రమం చెన్నైలో శనివారం రాత్రి ఘనంగా జరిగింది. ఈ వేడుకల్లో మూవీ టీం తో పాటు పలువురు స్టార్స్ సందడి చేశారు.. అయితే ఈ వేడుకలలో డైరెక్టర్ శంకర్ చేసిన కామెంట్లు మాత్రం కాజల్ అభిమానులకు నిరాశను మిగిల్చాయి.. ఇండియన్ 2 చిత్రంలో కాజల్, సిద్దార్థ్ , రకుల్ ప్రీతి సింగ్ కీలకపాత్రను పోషించారు.
కాజల్ ఫ్యాన్స్ ని హార్ట్ చేసిన డైరెక్టర్ శంకర్..
తాజాగా కాజల్ పాత్ర గురించి మాట్లాడుతూ.. కాజల్ ఈ సినిమాలో కాకుండా ఇండియన్ 3 లో ఆమె పాత్ర చేసిన సన్నివేశాలు ఉంటాయని తెలిపారు డైరెక్టర్ శంకర్ . దీంతో కాజల్ అభిమానులు హర్ట్ అయ్యారు.. ఎందుకంటే పెళ్లి , పిల్లలు అంటూ చాలా కాలం పాటు సినిమాలకు దూరంగా ఉన్న కాజల్ ఇప్పుడు మొదటిసారి కమలహాసన్ తో కనిపించనుంది.. పైగా ఇండియన్ 2 సినిమాలో కాజల్ ను చూసేందుకు కాజల్ ఫ్యాన్స్ కూడా ఆత్రుతగా ఎదురు చూస్తున్నారు.. ఇలాంటి సందర్భంలో ఈ సినిమాలో కాజల్ సన్నివేశాలు ఉండవని తెలిసేసరికి ఆమె అభిమానులు పూర్తిస్థాయిలో హర్ట్ అవుతున్నారని చెప్పాలి.. డైరెక్టర్ శంకర్ చెప్పిన ఈ మాట అభిమానులను పూర్తిస్థాయిలో హర్ట్ చేస్తోంది. మరి కాజల్ అగర్వాల్ అభిమానులు ఈ సినిమాను చూడడానికి వస్తారా లేదా అని అనుమానాలు కూడా వ్యక్తమవుతున్నాయి.
ఇండియన్ 2 తారాగణం..
ఇదిలా ఉండగా మరోవైపు ఈ చిత్రంలో వివేక్, ఎస్ జే సూర్య , బాబీ సింహ, ప్రియా భవాని శంకర్ , సముద్రఖని, బ్రహ్మానందం తదితరులు కీలక పాత్రలు పోషించారు..ప్రముఖ మ్యూజిక్ డైరెక్టర్ అనిరుధ్ రవిచందర్ మ్యూజిక్ అందించారు ..ఇక మరోవైపు కాజల్ అగర్వాల్ నటించిన సత్యభామ సినిమా కూడా జూన్ 7వ తేదీన రిలీజ్ కానుంది.. ఈ చిత్రానికి సుమన్ చిక్కాల దర్శకత్వం వహించారు. లేడీ ఓరియంటెడ్ గా వస్తున్న ఈ సినిమా ఎలాంటి విజయాన్ని అందుకుంటుందో చూడాలి. ఇంకోవైపు శంకర్ రామ్ చరణ్ తో గేమ్ ఛేంజర్ మూవీ షూటింగ్ లో పాల్గొంటున్నారు.. ఈ సినిమాను దసరా కానుక విడుదల చేయబోతున్నట్లు సమాచారం.