MIRAI: టాలీవుడ్ ఇండస్ట్రీలో ఎంతోమంది యంగ్ హీరోలు ఉన్న సంగతి తెలిసిందే. కొంతమంది యంగ్ హీరోలు ఇండస్ట్రీని.. ఇండస్ట్రీలో ఉన్న పెద్దవాళ్లను అండగా తీసుకొని… చిత్ర పరిశ్రమంలో అడుగు పెడుతూ ఉంటారు. మరి కొంతమంది హీరోలు చైల్డ్ ఆర్టిస్ట్ గా రాణించి ఆ తర్వాత హీరోలుగా మారుతారు. అలాంటి వారిలో తేజ సజ్జ ఒకరు. యంగ్ హీరో తేజ సజ్జ గురించి ప్రత్యేకంగా చెప్పాల్సిన పనిలేదు. చిరంజీవి లాంటి సీనియర్ హీరోల సినిమాలలో చైల్డ్ ఆర్టిస్ట్ గా చేసి… ఇప్పుడు హీరోగా రాణిస్తున్నాడు తేజసజ్జ.
ఈ తరుణంలోనే వరుసగా హిట్స్ కొట్టుకుంటూ ముందుకు సాగుతున్నాడు. ఇటీవల హనుమాన్ సినిమాతో ప్రభంజనం సృష్టించాడు ఈ యంగ్ హీరో. హనుమాన్ సినిమా… ఇప్పటికీ అందర్నీ ఆకట్టుకుంటూనే ఉంది. ఎవరు ఊహించని విధంగా కలెక్షన్లను రాబట్టింది హనుమాన్ సినిమా.
అయితే ప్రస్తుతం తేజ మిరాయి సినిమా చేస్తున్న సంగతి తెలిసిందే. క్షుద్ర పూజల నేపథ్యంలో ఈ సినిమా వస్తోంది. పీపుల్స్ మీడియా ఫ్యాక్టరీ ప్రొడక్షన్లో ఈ సినిమాను తెరకెక్కిస్తున్నారు. ఈ సినిమాలో మంచు మనోజ్, దుల్కర్ లాంటి హీరోలు కూడా కనిపించనున్నారు. దుల్కర్ అయితే ఓ యోధుడి పాత్రలో పాత్రలో మెరువనున్నాడు. ఆటో మంచు మనోజ్.. మంత్రగాడి పాత్రలో కనిపించనున్నాడు.
అయితే తాజాగా ఈ సినిమా నుంచి క్రేజీ అప్డేట్ వచ్చింది. ఈ సినిమాలో మంచు మనోజ్ పాత్రను రివిల్ చేస్తున్నట్లు ప్రకటించింది చిత్ర బృందం. ఈ మేరకు మంత్రగాడి పోస్టర్ కూడా రిలీజ్ చేసింది. ఇక మంచు మనోజ్…ఫుల్ పోస్టర్ను మే 20వ తేదీన రిలీజ్ చేస్తున్నట్లు కూడా తెలిపింది చిత్ర బృందం. దీంతో ఫాన్స్ ఫుల్ జోష్ లో ఉన్నారు.