సంక్రాంతి సీజన్ గురించి ప్రత్యేకంగా చెప్పాల్సిన అవసరం లేదు. సంక్రాంతి వస్తుంది అంటే ఖచ్చితంగా స్టార్ హీరోల సినిమాలు బాక్సా ఆఫీస్ వద్ద పోటీ పడతాయి. టాలీవుడ్ అగ్ర కథ నాయకుల్లో చిరంజీవి, బాలకృష్ణ సినిమాలు ఎక్కువగా పోటీ పడుతుంటాయి.అలానే ఈ ఏడాది కూడా రెండు సినిమాలు పోటీ పడనున్నాయి.
ప్రస్తుతం బాబీ దర్శకత్వంలో మెగాస్టార్ చిరంజీవి వాల్తేరు వీరయ్య అనే సినిమాను చేస్తున్నారు. అలానే గోపిచంద్ మలినేని దర్శకత్వంలో నటసింహం నందమూరి బాలకృష్ణ “వీర సింహారెడ్డి” అనే సినిమాను చేస్తున్నారు. ఈ రెండు చిత్రాలు సంక్రాంతికి విడుదల కానున్నాయి. ఈ రెండు చిత్రాలను మైత్రి మూవీ మేకర్స్ నిర్మించడం విశేషం.
ఈ రెండు చిత్రాలతో పాటు వంశీ పైడిపల్లి దర్శకత్వంలో ఇళయదళపతి విజయ్ హీరోగా నటిస్తున్న “వారసుడు” సినిమా కూడా సంక్రాంతికే రిలీజ్ కానుంది. కానీ ఆశ్చర్యకమైన విషయం ఏంటి అంటే రెండు తెలుగు సినిమాలకంటే ఈ డబ్బింగ్ సినిమాకే ఎక్కువ థియేటర్స్ దక్కనున్నట్లు తెలుస్తోంది. రీసెంట్ గా తమిళ్ లో ఇంటర్వ్యూ ఇచ్చిన వంశి కూడా ఇది పక్కా తమిళ్ ఫిలిం అని తేల్చేసాడు. ఇప్పుడు ఈ డబ్బింగ్ సినిమా అత్యధిక థియేటర్స్ ను దక్కించుకోవడమే కాకుండా విజయాన్ని కూడా సాధిస్తుందా లేదా తెలియాలి అంటే సంక్రాంతి వరకు వేచి చూడాల్సిందే.