టాలీవుడ్ స్టార్ కామెడియన్ సునీల్, బుల్లితెర యాంకర్ అనసూయ భరద్వాజ్ కలిసి సినిమా చేస్తున్న విషయం తెలిసిందే. శ్రీధ‌ర్ సీపాన ద‌ర్శ‌క‌త్వంలో రూపొందుతోన్న ఈ సినిమాకు ‘వాంటెడ్ పండుగాడ్’ ‘పట్టుకుంటే కోటి’ ట్యాగ్ లైన్ ను ఫిక్స్ చేశారు. ఈ మూవీ ద‌ర్శ‌కేంద్రుడు కె.రాఘ‌వేంద్ర‌రావు స‌మ‌ర్ప‌ణ‌లో యునైటెడ్ కె ప్రొడ‌క్ష‌న్స్ బ్యాన‌ర్‌పై సాయిబాబ కోవెల మూడి, వెంక‌ట్ కోవెల మూడి నిర్మిస్తున్నారు.
ఈ మూవీలో వెన్నెల కిషోర్‌, స‌ప్త‌గిరి, శ్రీనివాస్ రెడ్డి, సుడిగాలి సుధీర్‌, బ్ర‌హ్మానందం, ర‌ఘుబాబు,ష‌క‌ల‌క శంక‌ర్‌, త‌నికెళ్ల భ‌ర‌ణి ప్రధాన పాత్రల్లో కనిపిస్తున్నారు. కాగా, ఆదివారం అనసూయ భరద్వాజ్ పుట్టిన‌రోజు సంద‌ర్భంగా, ఈ మూవీ నుండి అనసూయ ఫస్ట్ లుక్‌తో పాటు ఓ వీడియోను చిత్ర యూనిట్ విడుద‌ల చేసింది.
ఈ వీడియోలో బుల్లితెర యాంకర్ అనసూయ గ్లామర్ షోతో అదరగొట్టింది. యూత్ ఆకట్టుకునేలా ఈ వీడియోను ప్రజెంట్ చేశారు. ఇదిలా ఉండగా ఈ సినిమా షూటింగ్ షెడ్యూల్ మారేడుమిల్లిలో పూర్తి అయింది. సినిమా షూటింగ్ దాదాపు పూర్త‌య్యింది. మూడు, నాలుగు రోజుల్లో గుమ్మడికాయ కొట్టి, సినిమా రిలీజ్ డేట్‌ను అనౌన్స్ చేయనున్నారు.
