Aadujeevitham : తెలుగులో రీసెంట్ టైమ్స్ లో గత ఆరేళ్లుగా నిర్మితమై మార్చి 8న రిలీజ్ అయిన సినిమా గామి. ఈ సినిమా కూడా ప్రేక్షకుల మన్ననలు పొందింది. ఇకపోతే మలయాళం లో ఒక సినిమా దాదాపు 10 ఏళ్ల పాటు నిర్మితమైంది.పృథ్వీరాజ్ సుకుమారన్ నటించిన ఈ సినిమా ‘ది గోట్ లైఫ్’. తెలుగులో ఈ చిత్రం ‘ఆడుజీవితం’ అనే పేరుతో ప్రేక్షకుల ముందుకు వచ్చింది.
అయితే ఈ సినిమా జరిగే ప్రాసెస్ లో పృథ్వీరాజ్ సుకుమారన్ కి చాలా అవకాశాలు వచ్చాయి. ఈ సినిమా కోసం వాటిని కూడా వదులుకున్నాడు పృథ్వీరాజ్. ఇకపోతే మెగాస్టార్ చిరంజీవి చేసిన సైరా సినిమా గురించి ప్రత్యేకంగా చెప్పాల్సిన అవసరం లేదు. ఎన్నో అంచనాలతో ఈ సినిమా ప్రేక్షకులు ముందుకు వచ్చింది. సురేందర్ రెడ్డి దర్శకత్వం వహించిన ఈ సినిమాలో ఎంతోమంది స్టార్ కాస్ట్ నటించారు. అమితాబచ్చన్ విజయ్ సేతుపతి వంటి నటులు కూడా ఈ సినిమాలో చేశారు. అయితే ఈ సినిమా కోసం మలయాళం యాక్టర్ పృధ్వీరాజ్ సుకుమారన్ ను కూడా మెగాస్టార్ చిరంజీవి సంప్రదించారట. అయితే దానికి పృధ్వీరాజ్ సర్ ప్రస్తుతం నేను ఒక సినిమా చేస్తున్నాను. ఇప్పుడు నాకున్న టైం లో మీతో కలిసి పని చేయలేను కానీ మీతో పని చేయాలని నాకు ఎప్పటినుంచో కోరిక ఉంది అంటూ చెప్పుకొచ్చాడు.
ఆ తర్వాత దాదాపు 5 సంవత్సరాల తర్వాత చిరంజీవి నటించిన గాడ్ ఫాదర్ సినిమాకి దర్శకత్వం చేయమని పృథ్వీరాజ్ ను అడిగారట. అప్పుడు కూడా పృథ్వీరాజ్ సర్ నేను ఒక సినిమాను చేస్తున్నాను ఆ సినిమా పూర్తి చేయాలి అంటూ మళ్ళీ చెప్పుకొచ్చారట. అయితే ఐదేళ్ల క్రితం నటుడుగా అడిగినప్పుడు, ఐదేళ్ల తర్వాత దర్శకుడుగా అడిగినప్పుడు కూడా ఒకే ప్రాజెక్ట్ పై పని చేస్తున్నాను అని చెప్పడం చూసి మెగాస్టార్ చిరంజీవి ఆశ్చర్యపోయాడట.
ఇకపోతే దాదాపు పదేళ్లు పైగా ఈ ఆడు జీవితం సినిమాను దర్శకుడు బ్లెస్సీ తెరకెక్కించారు. బెన్యామిన్ రాసిన ‘గోట్ డేస్’ నవల ఆధారంగా ఈ సినిమా తీశారు. మార్చి 28న మలయాళం, తెలుగు, హిందీ, తమిళం, కన్నడ భాషల్లో రిలీజ్ అయింది. ఈ సినిమాను మైత్రీ మూవీ డిస్ట్రబ్యూషన్ సంస్థ రిలీజ్ చేసింది. ఈ సినిమాకి మంచి ప్రశంసలు కూడా దక్కాయి ఇకపోతే ఈ సినిమా దాదాపు 150 కోట్లకు పైగా రాబట్టింది. ప్రస్తుతం ఈ సినిమా ఈ నెల 19 నుంచి నెట్ ఫిక్స్ లో మలయాళం తెలుగు తమిళ కన్నడ హిందీ భాషల్లో అందుబాటులోకి రానుంది.