Best horror movies on OTT.. ఈ మధ్యకాలంలో సినీ ప్రేమికులు ఒకే తరహా సినిమాలు కాకుండా అన్ని జానర్లలో సినిమాలను ఇష్టపడుతున్నారు. మరీ ముఖ్యంగా థ్రిల్లర్ , హార్రర్ సినిమాలకే ఎక్కువగా ఓటు వేస్తున్నారని చెప్పవచ్చు. ఇక మీరు కూడా హారర్ సినిమాల కోసం ఎదురుచూస్తున్నట్లయితే తాజాగా పలు ఓటీటీ ప్లాట్ఫారం ల వేదికగా వచ్చిన ఈ సినిమాలను మాత్రం దయచేసి ఒంటరిగా చూడకండి.. క్షణక్షణం భయాన్ని పుట్టించే ఆ చిత్రాలు ( Best Horror Movies on OTT ) ఏంటో ఇప్పుడు చూద్దాం..
ది మీడియం :
![Best Horror Movies on OTT the Medium](https://www.telugu.filmify.in/wp-content/uploads/2024/04/the-Medium.jpg)
పంచోంగ్ పిసంటనాగన్ దర్శకత్వం వహించిన చిత్రం ది మీడియం.. 2021 లో వచ్చిన ఈ సినిమా ప్రేక్షకులను పూర్తిగా హడలెత్తించింది. థాయిలాండ్ లోని ఒక చిన్న గ్రామంలో నివసించే యువతి అతీంద్రియ శక్తితో బాధపడి.. ఆమె జీవితంలో సమస్యలను ఎలా ఎదుర్కొంటుంది అనేదే కథ.. ఈ సినిమా మొదట చాలా క్యాజువల్ గా ప్రారంభమైనప్పటికీ.. నెమ్మదిగా మిమ్మల్ని భయపెడుతుంది.. ఒక్కో సన్నివేశం వస్తుంటే మీలో దడ పుడుతుంది.. ఊహించని మలుపులు , భయానక సన్నివేశాలు, వాస్తవిక నటన మిమ్మల్ని అతీంద్రియ ప్రపంచానికి తీసుకెళ్తాయి అనడంలో సందేహం లేదు. ప్రస్తుతం ఈ చిత్రం అమెజాన్ ప్రైమ్ ఓటీటీ లో మీరు చూడవచ్చు. ఈ సినిమాని ఎట్టి పరిస్థితుల్లో కూడా మీరు ఒంటరిగా చూడకండి.
ది వైలింగ్ :
![Best Horror Movies on OTT The wailing](https://www.telugu.filmify.in/wp-content/uploads/2024/04/The-wailing.jpg)
దక్షిణ కొరియాలోని ఒక గ్రామంలో సడన్గా ఒక మర్మమైన వ్యాధి వ్యాప్తి చెందుతుంది.. దీంతో ప్రజలు కూడా చనిపోవడం ప్రారంభిస్తారు.. దీనికి కారణం తాజాగా ఆ ఊరికి వచ్చిన బోధకుడు అని అందరూ అనుకుంటారు.. అయితే విచారణలో ఆ వ్యక్తి అన్నింటికీ కారణం కాదు అని తేలిపోతుంది ..ఆ తర్వాత ఏం జరిగింది అనేది కథ.. తన కూతురి అతేంద్రియ ప్రభావానికి కారణాన్ని అన్వేషించే తండ్రి కథ ఆధారంగా ఈ చిత్రాన్ని రూపొందించారు. తండ్రి కూతుర్ల మధ్య ప్రేమ, పోరాటం, పోలీస్ డ్యూటీ, ఎడతెగని మిస్టరీ వంటి ఉత్కంఠ భరితమైన కథాంశంతో వచ్చిన ఈ బెస్ట్ హార్రర్ మూవీ ప్రస్తుతం నెట్ ఫ్లిక్స్ ఓటీటీ లో స్ట్రీమింగ్ అవుతోంది. అడుగడుగునా భయానక సన్నివేశాలతో మిమ్మల్ని మరింత భయపెడుతుందని చెప్పవచ్చు.
మంత్రగత్తే (విచ్) :
![Best Horror Movies on OTT Witch](https://www.telugu.filmify.in/wp-content/uploads/2024/04/Witch.jpg)
రాబర్ట్ ఎగ్గర్స్ దర్శకత్వం వహించిన విచ్ చిత్రం 2015లో ప్రేక్షకుల ముందుకు వచ్చింది. 1630 వ సంవత్సరంలో ఒక జంట 5 మంది పిల్లలతో ఇంగ్లాండ్ లోని ఒక అడవికి సమీపంలో నివసిస్తూ ఉంటారు. వారి ఆరవ సంతానం మరణిస్తుంది.. అంతేకాదు వారి పశువులు కూడా రహస్యంగా చంపబడతాయి.. దీనికి కారణం ఏంటి అనేది ఆ చిత్ర కథాంశం.. ఇతివృతం పాత్రలు అన్నీ కూడా మిమ్మల్ని 1630 వ సంవత్సరానికి తీసుకెళ్తాయి.. రహస్య మరణాలు, భయంకరమైన దృశ్యాలు, వెంటాడే సంగీతం మిమ్మల్ని భయానకానికి గురిచేస్తాయి.. ఇక మిమ్మల్ని ఆ ప్రపంచంలోకి తీసుకెళ్లి పూర్తి స్థాయిలో మిమ్మల్ని భయపెడుతుంది ఈ చిత్రం. ప్రస్తుతం ఈ చిత్రం అమెజాన్ ప్రైమ్ వీడియోలో స్ట్రీమింగ్ అవుతోంది.
మిడ్ సమ్మర్ :
![Best Horror Movies on OTT Mid Sommar](https://www.telugu.filmify.in/wp-content/uploads/2024/04/Mid-Sommar.jpg)
ఆరి ఆస్టర్ దర్శకత్వం వహించిన చిత్రం మిడ్ సమ్మర్.. 2019లో వచ్చింది ఈ చిత్రం.. వేసవిని గడపడానికి కొంతమంది స్నేహితులు ఒక స్పీడిష్ గ్రామంలో జరిగే సాంప్రదాయ పండుగకు వస్తారు. అందమైన పచ్చదనంతో తమను ప్రేమగా చూసుకునే బంధువులతో మధురంగా మొదలైన వారి వేసవి సెలవుల కాలం మెల్లగా నరకంగా ఎలా మారుతుంది అనేది ఈ చిత్ర కథాంశం.. అమానుషం , క్రూరత్వం లాంటి ఎలిమెంట్స్ తో థ్రిల్ కి గురిచేస్తుంది ఈ సినిమా.. అంతే కాదు భయపెట్టిస్తూ మంచి కిక్ ఇస్తుంది అనడంలో సందేహం లేదు. ప్రస్తుతం ఈ చిత్రం ఆపిల్ టీవీ ఓటీటీ లో స్ట్రీమింగ్ అవుతోంది.