OTT Horror Movie : వర్షాకాలం వచ్చిందంటే వరదలు అనేవి సర్వసాధారణం. కానీ ఆ వరదలు కూడా కొన్నిసార్లు భయానక పరిస్థితులను తలపిస్తాయి. ఇప్పటిదాకా హారర్ సినిమాలు అనగానే ఏదో ఒక ఇంట్లో దయ్యాలు ఉండడం, లేదా ఎవరో ఒకరిని పట్టి పీడించడం, ఈ రెండు కాదంటే అడవిలో ఉండే దయ్యాల గురించి ఎన్నో సినిమాలను చూసాం మనం. కానీ ఇదో కొత్త హారర్ మూవీ. వరదల్లో చిక్కుకున్న ఓ జంటకు అంతకంటే భయంకరమైన హారర్ ఎక్స్పీరియన్స్ అవుతుంది. అదేంటి? ఈ మూవీ ఏ ఓటిటిలఓ స్ట్రీమింగ్ అవుతోంది? అనే విషయాలను ఇప్పుడు తెలుసుకుందాం.
నెట్ ఫ్లిక్స్ లో స్ట్రీమింగ్…
డిఫరెంట్ హారర్ సినిమాలను ట్రై చేయాలి అనుకునే వారికి ఇదొక బెస్ట్ మూవీ అని చెప్పొచ్చు. ప్రస్తుతం నెట్ ఫ్లిక్స్ లో స్ట్రీమింగ్ అవుతున్న ఈ మూవీ ఇండోనేషియన్ హారర్ మూవీ. ఇండోనేషియాలోని ఒక గ్రామంలో జరిగిన యదార్థ సంఘటన ఆధారంగా తెరకెక్కిన ఈ మూవీ పేరు కుయాంగ్. అంటే ఆ భాషలో దెయ్యం అని అర్థం. భాష ఏదైనా సరే హారర్ సినిమా అయితే చాలు అనుకునే వారికి ఈ మూవీ తప్పకుండా నచ్చుతుంది. అంతేకాకుండా ఈ సినిమాలో కనిపించే పాత్రలు కూడా చాలా తక్కువగా ఉంటాయి. కాబట్టి ప్రేక్షకులకు కన్ఫ్యూజన్ లేకుండా ఈజిగా అర్థం అవుతుంది. ఇక మరో ఇంటరెస్టింగ్ విషయం ఏమిటంటే సినిమా చివర్లో వచ్చే ట్విస్ట్ మాత్రం అస్సలు ఊహించలేరు.
కథలోకి వెళ్తే…
భిమూ, శ్రీ అనే భార్యాభర్తలు ఉంటారు. అయితే హీరోకి కనీసం రోడ్డు కూడా సరిగ్గా లేని ఊర్లో టీచర్ గా జాబ్ వస్తుంది. ఇంకేముంది మంచి సాలరీ కావడంతో ఆర్థిక కష్టాలు తీరిపోతాయనే ఆశతో భార్యాభర్తలిద్దరూ కలిసి ఆ ఊరికి వెళ్తారు. అయితే గ్రామంలోకి వీళ్ళను తీసుకెళ్లడానికి డ్రైవర్, ట్రావెల్ ఏజెంట్ వస్తారు. కారు ప్రయాణం మధ్యలో కిటికీలో నుంచి ఒక ఎగురుతున్న తల కనిపించడంతో హీరోయిన్ గట్టిగా అరుస్తుంది. ఆ తర్వాత చెట్టుకు వేలాడుతూ ఉన్న ఒక శవపేటిక వీళ్లను వెంటాడుతుంది. అక్కడ నుంచి కూడా ఎలాగోలా తప్పించుకొని వెళ్ళిపోతారు. ఒక్క పడవ ద్వారానే వెళ్లడానికి దారి ఉన్న ఆ ఊర్లోకి బయట మనుషులుగా హీరో హీరోయిన్ రావడంతో అందరూ వింతగా గమనిస్తారు. అలాగే తంబి అనే ఆవిడని ఆ ఊరి ప్రజలంతా కుయంగ్ అని అనుకుంటూ ఉంటారు. ఆ తర్వాత ఒకానొక సమయంలో స్కూల్ మొత్తం వరదల వల్ల మునిగిపోయి చాలామంది స్టూడెంట్స్ చనిపోతారు. దీంతో అక్కడ దయ్యం ఉందని ప్రచారం జరుగుతుంది. స్కూల్లో ఒక అమ్మాయికి దెయ్యం పట్టడంతో ఓ మంత్రగత్తెను తీసుకొస్తారు. హీరోయిన్ ని చూసిన ఆవిడ ఆమె కడుపుతో ఉందని, శక్తి కోసం కుయాంగ్ తన బిడ్డను బలి తీసుకుంటుందని చెప్పడంతో హీరో దాన్ని చంపి తన ఫ్యామిలీని కాపాడుకోవాలని బయలుదేరుతాడు. ఇంతకీ ఆ దయ్యం ఎవరు? ఈ భార్యాభర్తలు ఇద్దరూ ఆ ఊరు నుంచి ప్రాణాలతో బయటపడగలిగారా? అనేది తెరపై చూడాల్సిందే.