OTT Movie : ఇప్పటిదాకా మనం ఎన్నో దయ్యాల స్టోరీల గురించి విన్నాము చూసాము. కానీ ఉత్తరాలు రాసే దయ్యం గురించి మాత్రం చూడలేదు. చాలా దయ్యం స్టోరీలు ఏదో ఒక బంగ్లాను టార్గెట్ చేసుకునే ఉంటాయి. అలాగే ఈ సినిమాలో కూడా.. కాకపోతే హీరోకి దయ్యం ఉత్తరాల రూపంలో భవిష్యత్తులో జరగబోయే విషయాలన్నింటిని తెలియజేస్తుంది. ఈ లైన్ వినగానే నాగ చైతన్య ధూత సిరీస్ అనుకుంటున్నారా? అస్సలు కాదు. మరి ఈ వింత దయ్యం స్టోరీ ఏ ఓటీటీలో స్ట్రీమింగ్ అవుతోంది ? స్టోరీ ఏంటి ? అనే వివరాల్లోకి వెళ్తే…
అమెజాన్ ప్రైమ్ వీడియోలో స్ట్రీమింగ్…
కొత్త కొత్త హారర్ సస్పెన్స్ థ్రిల్లర్ సినిమాలను ఇష్టపడే వారికి ఈ మూవీ బెస్ట్ సజెషన్. రొటీన్ హారర్ సినిమాలను చూసి బోర్ గా ఫీల్ అయితే తప్పకుండా ఈ వీకెండ్ ఇప్పుడు మనం చెప్పుకోబోయే మూవీ పై ఓ లుక్కెయ్యండి. ఇక అసలు విషయంలోకి వెళ్తే ఈ మూవీ పేరు ఫోనిక్స్. ఈ మూవీ ప్రస్తుతం అమెజాన్ ప్రైమ్ వీడియోలో స్ట్రీమింగ్ అవుతోంది.
కథలోకి వెళ్తే…
ఇందులో హీరో కొత్త ఇంటికి మారాలనే ఉద్దేశంతో ప్రశాంతంగా, జనాలు ఎవ్వరూ లేని చోట్లో ఉండే ఇంటి కోసం వెతుకుతాడు. బీచ్ కు దగ్గరలో ఆయన ఆలోచనలకు తగ్గట్టుగా మంచి ఇల్లు దొరుకుతుంది. చూడగానే ఆ ఇల్లు నచ్చడంతో వెంటనే తన భార్య పిల్లలతో దిగిపోతాడు. కానీ ఆ ఇంట్లో సాధారణంగా ఉండాల్సిన కరెంట్, ఫోన్ లేదా టెలిఫోన్ లాంటి ఎమినిటీస్ ఏమీ ఉండవు. పైగా ఇంట్లోకి దిగినప్పటి నుంచి ఫ్యామిలీ మొత్తానికి కొన్ని విచిత్రమైన సంఘటనలు ఎదురవుతాయి. ఈ నేపథ్యంలోనే ఒకరోజు ఆ ఇంటికి ఉత్తరం వస్తుంది. కానీ హీరో అంతకుముందు చూసి చూడనట్టుగా వదిలేస్తాడు. అయితే ఫ్రెడ్డి అనే పేరుతో వరుసగా ఆ ఇంటికి ఉత్తరాలు వస్తాయి. దీంతో ఎవరు ఎవరికి రాస్తున్నారా అని హీరో ఆ ఉత్తరాన్ని చూస్తాడు. అలాగే పోస్ట్ మాన్ ని కూడా అడుగుతాడు. కానీ అతనేమో మీ ఇంటికి ఎలాంటి ఉత్తరాలు తీసుకురాలేదని చెప్తాడు. ఈ సస్పెన్స్ ని కంటిన్యూ చేస్తూ హీరో ఉత్తరాలను తీసి చదవడం స్టార్ట్ చేస్తాడు. అవన్నీ చదివాక హీరోకి ఓ ప్రేమికురాలు తన ప్రియుడి కోసమే ఈ ఉత్తరాలు రాస్తున్నట్టుగా అనిపిస్తుంది. అతను ఉత్తరాల్లో చదివే సంఘటనలన్నీ ఆ ఇంట్లో జరుగుతూ ఉంటాయి. దీంతో అనుమానం, భయం పెరిగి అసలు ఆ లేఖలు ఎక్కడి నుంచి వస్తున్నాయి ఎవరు రాస్తున్నారు తెలుసుకోవాలని ట్రై చేస్తాడు. కానీ వర్కౌట్ కాకపోవడంతో వదిలేసి మరో ఇంటికి వెళ్తారు. అక్కడకు కూడా వాళ్లను వదలకుండా ఉత్తరాలు వస్తూనే ఉంటాయి. ఇంతకీ ఆ ఉత్తరాలు ఎవరు రాస్తున్నట్టు? ఎందుకు ఈ కుటుంబాన్ని టార్గెట్ చేస్తున్నారు? ఉత్తరాల వెనుక ఉన్న కథ ఏంటి? అనే ఇంట్రెస్టింగ్ విషయాలు తెలియాలంటే ఫోనిక్స్ మూవీ పై ఓ లుక్ వెయ్యండి.