OTT Movies : ఓటీటీలో క్రైమ్ థ్రిల్లర్, మిస్టరీ, హారర్‌లంటే ఇష్టమా? అయితే మీరే ఈ మూవీని చూడడానికి సరైన వ్యక్తులు. ఎందుకంటే ఈ రోజు మనం వెన్నులో వణుకు పుట్టించే భయానక చిత్రాలు, సిరీస్ ల గురించి మీకు చెప్పబోతున్నాము. భయంతో చెమటలు పట్టించే ఈ హారర్ సినిమాలను ఒంటరిగా చూడలేరు. మొత్తానికి చూసే ప్రయత్నం చేసినా స్వయంగా తమ నీడ అంటేనే భయం మొదలై వణుకు పుడుతుంది. మరి ఇంతటి భయంకరమైన హారర్ సినిమాలను ఏ ఓటీటీలో చూడవచ్చో ఇప్పుడు తెలుసుకుందాం.
డబ్బే 5 కర్స్ ఆఫ్ ది జిన్
ఈ జాబితాలో మొదటగా చెప్పుకోవాల్సిన, ఫస్ట్ ప్లేస్ లో ఉన్న హారర్ మూవీ డబ్బే 5 కర్స్ ఆఫ్ ది జిన్. ఇది రెండు గంటల 12 నిమిషాల వెబ్ సిరీస్. ఈ సిరీస్‌లోని అన్ని భాగాలు చాలా భయంకరంగా ఉన్నాయి. ఈ సిరీస్ Netflixలో అందుబాటులో ఉంది. కానీ హార్ట్ వీక్ గా ఉన్న వాళ్ళు, హారర్ సినిమాలంటే భయపడే వారు మాత్రం ఈ సిరీస్ ను ఒంటరిగా చూసే సాహసం చేయవద్దు అని గుర్తు పెట్టుకోండి. సిస్టర్ డెత్
సిస్టర్ డెత్
ఈ లిస్ట్ లో రెండో ప్లేస్ లో సిస్టర్ డెత్ అనే మూవీ ఉంది. సిస్టర్ డెత్ అనేది 1 గంట 30 నిమిషాల నిడివి గల చిత్రం. ఈ సినిమాలో కూడా చాలా హృదయ విదారక సన్నివేశాలు ఉన్నాయి. అలాగే హారర్ సీన్స్ కు కొదవలేదు. కాబట్టి సింగిల్ గా చూశారంటే ఆ రాత్రికి భయంతో నిద్ర పట్టదు జాగ్రత్త. ఈ మూవీ కూడా నెట్ ఫ్లిక్స్ లోనే స్ట్రీమింగ్ అవుతోంది.
ది కంజురింగ్
హారర్ సినిమాల గురించి మాట్లాడుకుంటే అందులో కంజూరింగ్ సినిమాకు ప్రత్యేకమైన స్థానం ఉంటుంది. 2013లో ది కంజురింగ్ అనే సినిమా విడుదలైంది. మీరు దానిని ప్రైమ్ వీడియోలో చూడవచ్చు. ఈ సినిమాలో ఎంత భయానక సన్నివేశాలు ఉన్నాయంటే చూశాక భయంతో వణికిపోతారు. కథ సాగుతున్న కొద్దీ ప్రేక్షకులలో ఆసక్తి కూడా రెట్టింపు అవుతుంది. అయితే అల్మోస్ట్ హారర్ మూవీ లవర్స్ అందరూ ఈ సినిమాను ఇప్పటికే చూసేసి ఉంటారు. ఒకవేళ ఇంకా ఎవరైనా చూడకపోతే ఈ వీకెండ్ ప్రైమ్ వీడియోలో చూడవచ్చు.
ది ప్రీస్ట్
ది ప్రీస్ట్ కూడా అద్భుతమైన హారర్ సినిమా. ఈ సినిమాలో ఉండే స్టోరీ, హారర్ సీన్స్, ట్విస్టులు గూస్‌ బంప్స్ తెప్పిస్తాయి. కాబట్టి హారర్ ప్రేమికులు ఈ చిత్రాన్ని మిస్ అవ్వకండి.
కాన్ఫరెన్స్
నిర్జనమైన అడవి చుట్టూ తిరిగే కాన్ఫరెన్స్ కథ కూడా చాలా ప్రమాదకరమైనది. 1 గంట 40 నిమిషాల నిడివి ఉన్న ఈ సినిమా అందరి మనసులను కదిలిస్తుంది. మీరు దీన్ని Netflixలో చూడవచ్చు.
ది ఎక్సార్సిజం ఆఫ్ ఎమిలీ రోజ్
ది ఎక్సార్సిజం ఆఫ్ ఎమిలీ రోజ్ అనేది ఒక భయంకరమైన క్రైమ్ సిరీస్, ఇది 2005లో విడుదలైంది. ఈ సిరీస్‌ని Apple TVలో చూడవచ్చు.