Upcoming Malayalam OTT Releases : 2024 మలయాళ సినిమాకు గోల్డెన్ ఇయర్ అని ఇప్పటికే ప్రూవ్ అయ్యింది. ఈ నేపథ్యంలోనే ఏయనున్న మలయాళ సినిమాల గురించి ఆసక్తిగా వెయిట్ చేస్తున్నారు మూవీ లవర్స్. జూన్ లో నెట్‌ఫ్లిక్స్, అమెజాన్ ప్రైమ్ వీడియో, సోనీలివ్, డిస్నీ+ హాట్‌స్టార్ వంటి ప్రముఖ ఓటీటీ ప్లాట్‌ఫామ్‌లలో అనేక సినిమాలు విడుదలకు రెడీగా ఉన్నాయి. మరి ఓటీటీలో రాబోతున్న ఆ మోస్ట్ అవైటింగ్ మలయాళ సినిమాలు ఏ ఓటీటీలో రాబోతున్నాయో తెలుసుకుందాం.
ఆడుజీవితం
1990వ దశకం ప్రారంభంలో ఉద్యోగం కోసం గల్ఫ్ కి వెళ్లిన నజీబ్ అనే కేరళ వ్యక్తి జీవితంలో జరిగిన వాస్తవ కథ ఆధారంగా ఆడుజీవితం మూవీ తెరకెక్కింది. ఉద్యోగం పేరుతో ఆ ఎడారి ప్రాంతంలో చిక్కుకున్న వ్యక్తి అక్కడి నుంచి ఎలా తప్పించుకున్నాడు? ఎలా బయట పడ్డాడు అనే ఇంట్రెస్టింగ్ అంశాలతో ఈ మూవీ సాగుతుంది. బ్లెస్సీకి దర్శకత్వం వహించిన ఈ చిత్రం మే 26 నుంచి డిస్నీ+ హాట్‌స్టార్‌లో స్ట్రీమింగ్ అవుతోంది.
మలయాళీ ఫ్రమ్ ఇండియా
మలయాళీ ఫ్రమ్ ఇండియా చిత్రం కేరళలోని గోపి అనే నిరుద్యోగి కథ. స్నేహితుడు మల్ఘోష్ తో కలిసి నిర్లక్ష్య జీవితాన్ని గడుపుతూ, తన చేష్టలతో తరచూ ఇబ్బందులకు గురయ్యే గోపి ఇంటిన్ విడిచిపెట్టి వెళ్లాల్సి వస్తుంది. ఈ చిత్రంలో గోపి ప్రయాణం చూశాక కంఫర్ట్ జోన్ నుంచి బయటకు వస్తే మన జీవితం ఎలా మారిపోతుంది అనే విషయాన్ని స్పష్టంగా చూపించారు. మలయాళీ ఫ్రమ్ ఇండియా డిస్నీ+ హాట్‌స్టార్‌లో జూన్ లో స్ట్రీమింగ్ కానుంది.
వర్షంగల్క్కు శేషం
‘వర్షంగల్కు శేషం’ మూవీ వేణు, మురళి అనే ఇద్దరు స్నేహితుల ప్రయాణాన్ని చూపిస్తుంది. వారి విభిన్న అభిరుచులు ఇద్దరినీ మద్రాసు వైపు నడిపిస్తాయి. వేణుకి రంగస్థలం పట్ల ఉన్న ఆకాంక్ష, మురళి సంగీత కలలతో ఈ చిత్రం నాలుగు దశాబ్దాల పాటు సాగుతుంది. వీరి చిరకాల స్నేహం, జీవితంలో ఎదుర్కొన్న ఆటుపోట్లు, లైఫ్ స్టోరీ ఇంట్రెస్టింగ్ గా సాగుతుంది. ‘వర్షంగాల్కు శేషం’ మూవీ జూన్ 7న సోనీలివ్‌లో ప్రీమియర్‌ కానుంది.
పావి కేర్ టేకర్
ఈ కామెడీ-డ్రామా ఒక పెళ్లికాని కేర్‌టేకర్ కథ. దిలీప్ ప్రధాన పాత్రలో వినీత్ కుమార్ దర్శకత్వంలో తెరకెక్కిన మలయాళ హాస్య చిత్రం పావి కేర్ టేకర్. ఏప్రిల్ 26న థియేటర్లలోకి వచ్చిన ఈ మూవీ జూన్ లో ఓటీటీలోకి రానుంది. డిస్ని ప్లస్ హాట్ స్టార్ లో ఈ మూవీ స్ట్రీమింగ్ కానుంది.
నడికార్
పట్టుదల, కృషి ద్వారా సూపర్‌స్టార్‌ గా ఎదిగిన ఓ యువ నటుడిని కథను ఈ మూవీలో చూడవచ్చు. కీర్తి పెరిగే కొద్దీ, అతని అహం కూడా పెరుగుతుంది. అతని అహంకారం సంబంధాలను దెబ్బతీస్తుంది. పైగా పొగరు తలకెక్కి సరిగ్గా పని చేయడం మానేస్తాడు. మరి ఆ అహంకారం అతని జీవితంపై ఎలాంటి ఎఫెక్ట్ చూపించింది అనేదే స్టోరీ. నడికర్ మూవీ నెట్ ఫ్లిక్స్ లో జూన్ లో స్ట్రీమింగ్ కానుంది.