మెగాస్టార్ చిరంజీవి హీరోగా, బాబీ దర్శకత్వంలో తాజాగా వచ్చిన చిత్రం వాల్తేరు వీరయ్య. దీనిలో చిరంజీవికి జోడీగా శ్రుతి హాసన్ నటించిన విషయం తెలిసిందే. అలాగే మాస్ మహారాజా రవితేజ, కేథరిన్ ట్రెసా కీలక పాత్రల్లో కనిపించారు. కాగా సంక్రాంతి కానుగా ఈ నెల 13న విడుదలైన వాల్తేరు వీరయ్య మొదటి షో నుంచే బ్లాక్ బస్టర్ టాక్ ను తెచ్చుకుంది. కలెక్షన్లు కూడా భారీ స్థాయిలో వస్తున్నాయి.
సంక్రాంతి బరిలో నిలిచిన తెలుగు సినిమాల్లో ఎక్కువ కలెక్షన్లు వాల్తేరు వీరయ్యకే వస్తున్న విషయం తెలిసిందే. ఈ చిత్రం కేవలం ఐదు రోజుల్లోనే ప్రపంచ వ్యాప్తంగా రూ. 150 కోట్ల గ్రాస్ ను వసూళ్లు చేసింది. ఈ వారం ముగిసే సమయానికి కలెక్షన్లు మరింత పెరిగే ఛాన్స్ ఉంది.
ఈ చిత్రానికి తెలుగు రాష్ట్రాల్లోనే కాదు.. ఓవర్సీస్ లోనూ మంచి స్పందన వస్తోంది. ముఖ్యంగా అమెరికాలో వాల్తేరు వీరయ్య కలెక్షన్ల పరంగా రికార్డులను నమోదు చేస్తుంది. తాజాగా ఈ చిత్రం యూఎస్ లో 2 మిలయన్ డాలర్ల మార్క్ ను అందుకుంది.
కాగా మెగాస్టార్ కమ్ బ్యాక్ తర్వాత 5 సినిమాలు చేసారు. అయితే ఆ 5 సినిమాలు యూఎస్ లో మంచి కలెక్షన్స్ సాధించటం విశేషం. ఈ 5 సినిమాలలో యూఎస్ లో 2 మిలియన్ మార్క్ ను అందుకోవడం ఇది మూడో సారి. మొదటగా ఖైదీ నెంబర్ 150 చిత్రం 2.44 మిలియన్ డాలర్లు కలెక్ట్ చేసింది. తర్వాత సైర నరసింహారెడ్డి 2.60 M కు చేరింది. ఇది మెగాస్టార్ కెరీర్ లోనే అత్యధికం. తాజాగా వాల్తేరు వీరయ్య 2.0 M మార్క్ ను అందుకోగా, గతం లో గాడీఫాథర్ , ఆచార్య 1 మిలియన్ మార్క్ ను అందుకున్నాయి.
వాల్తేరు వీరయ్య కు ఇంకా ఆదరణ తగ్గలేదు. కాబ్టటి, ఇది సైర నరసింహారెడ్డి రికార్డును చెరిపేసే అవకాశం కూడా ఉంది.
For More Updates :
Checkout Filmify for the latest Movie updates, Movie Reviews & Ratings, and all the Entertainment News