తమిళ్ సినిమాలు తెలుగు లో డబ్ అయ్యి బ్లాక్ బస్టర్స్ అవ్వడం చాలా కామన్. కానీ కొన్ని సినిమాలు వాటి ఒరిజినల్ లాంగ్వేజ్ కంటే ఎక్కువగా డబ్బింగ్ లాంగ్వేజ్ లో ఆడాయి. అంతేకాదు ఆ భాషలో ప్లాప్ అయిన సినిమాలు తెలుగులో హిట్ అవ్వడం కూడా అప్పుడప్పుడు జరుగుతుంది. ఇలా తమిళ్ నుండి తెలుగులో విడుదలై అక్కడికంటే పెద్ద హిట్ అయిన కొన్ని సినిమాలపై ఓ లుక్కేద్దాం.
7th సెన్స్: మురుగదాస్ దర్శకత్వంలో వచ్చిన ఈ సినిమా తమిళం లో అంతగా ఆడలేదు. కానీ తెలుగులో సూపర్ హిట్ గా నిలవడమే గాకుండా, ఒక్క నైజాం ఏరియాలోనే డిస్ట్రిబ్యూటర్ కి కోటిన్నర ప్రాఫిట్ తెచ్చిపెట్టింది.
24: సూర్య నటించిన ఈ సినిమా విక్రమ్.కే. కుమార్ దర్శకత్వంలో వచ్చింది. 2016 లో వచ్చిన ఈ సినిమా తమిళ్ లో ప్లాప్ అవగా తెలుగులో సూపర్ హిట్ అయింది.
యుగానికి ఒక్కడు: సెల్వ రాఘవన్ దర్శకత్వంలో వచ్చిన ఈ సినిమా 2010 లో విడుదలై సంచలన విజయం సాధించింది. కార్తీ హీరోగా నటించిన ఈ సినిమా తమిళ్ లో యావరేజ్ గా ఆడగా తెలుగులో మాత్రం బ్లాక్ బస్టర్ హిట్ అయింది. అంతే కాదు కార్తీకి ఈ సినిమా ద్వారానే తెలుగులో మంచి మార్కెట్ ఓపెన్ అయ్యింది.
బిచ్చగాడు2 : విజయ్ ఆంటోనీ స్వీయ దర్శకత్వంలో నటించి నిర్మించిన ఈ సినిమా బిచ్చగాడు కి సీక్వెల్ గా రూపొందింది. రీసెంట్ గా వచ్చిన ఈ సినిమా తమిళ్ లో యావరేజ్ హిట్ కాగా, తెలుగులో కేవలం 6 రోజుల్లో బ్రేక్ ఈవెన్ సాధించి సూపర్ హిట్ గా నిలిచింది.
ఇవే కాక చియాన్ విక్రమ్ నటించిన “ఐ”, శంకర్ తీసిన బాయ్స్, స్నేహితుడు సినిమాలు తమిళ్ లో ప్లాప్ అయ్యి తెలుగులో మాత్రం సూపర్ హిట్లయ్యాయి.
For More Updates :
Checkout Filmify for the latest Movie updates, Movie Reviews & Ratings, and all the Entertainment News