సినిమాలకు, నిజజీవితానికి చాలా వ్యత్యాసం ఉంటుంది. నిజజీవితంలో రిలేషన్ బట్టి మర్యాదలు పెరుగుతుంటాయి. అయితే సినీ పరిశ్రమలో హీరోలు ఎన్నేళ్లు అయినా హీరోలుగా సినిమాలు చేస్తుంటారు. కానీ హీరోయిన్ల విషయంలో అలా కాదు. కొంతకాలం హీరోయిన్ గా ఓ వెలుగు వెలిగిన హీరోయిన్లు ఆ తర్వాత సహాయక పాత్రలకు పరిమితం అవుతుంటారు. ఒక నటుడికి భార్యగా కనిపించిన హీరోయిన్ మరో సినిమాలో అతడికి వదిన గానో, చెల్లి గానో, తల్లిగానో, లేదా మరో పాత్రలో కనిపించాల్సి రావచ్చు. అంతెందుకు ఎన్టీఆర్ కి మనవరాలిగా నటించిన శ్రీదేవి.. ఆ తర్వాత ఆయనతో హీరోయిన్ గా ఎన్నో సినిమాలలో జోడి కట్టింది.
అయితే యువ సామ్రాట్ అక్కినేని నాగచైతన్యతో రొమాన్స్ చేసిన ఓ హీరోయిన్.. ఆ తర్వాత అతడికే తల్లిగా నటించింది. ఆ హీరోయిన్ ఎవరని ఆలోచిస్తున్నారా..? ఆమె మరెవరో కాదు అందాల రాక్షసి లావణ్య త్రిపాఠి. ఈ ముద్దుగుమ్మ 2017లో కృష్ణ మరిమత్తు దర్శకత్వంలో వచ్చిన యుద్ధం శరణం అనే యాక్షన్ థ్రిల్లర్ సినిమాలో హీరోయిన్ గా నాగచైతన్య తో రొమాన్స్ చేసింది. కానీ ఈ సినిమా ఆశించిన స్థాయిలో విజయం సాధించలేదు. ఆ తర్వాత కళ్యాణ్ కృష్ణ దర్శకత్వం వహించిన సోగ్గాడే చిన్నినాయన సినిమాలో నాగార్జునకు భార్య పాత్రలో నటించిన లావణ్య త్రిపాఠి.. ఆ సినిమాకు సీక్వెల్ గా వచ్చిన బంగార్రాజు అనే సినిమాలో నాగచైతన్యకు తల్లిగా కనిపించింది. ఈ రెండు సినిమాలు బాక్సాఫీస్ వద్ద మంచి విజయాన్ని సాధించాయి.
For More Updates :
Checkout Filmify for the latest Movie updates, Movie Reviews & Ratings, and all the Entertainment News