మృణాల్ ఠాకూర్, కొన్ని రోజుల క్రితం ఈ బాలీవుడ్ బ్యూటీ పేరు పెద్దగా వినిపించలేదు. కానీ హను రాఘవపూడి దర్శకత్వంలో ఇటీవల వచ్చిన సీతారామం సినిమాతో ఒక్క సారిగా ఈ పేరు మార్మోగిపోయింది. ఈ చిత్రంలో సీత పాత్ర చేసిన మృణాల్ ఠాకూర్ సినీ లవర్స్ గుండెల్లో ఒదిగిపోయింది. అప్పటి నుంచి మృణాల్ ఠాకూర్ ఒక బాలీవుడ్ హీరోయిన్ లా కాకుండా, పాన్ ఇండియా హీరోయిన్ లా చూస్తున్నారు.
ఈ చిత్రం తర్వాత మృణాల్ కు భారీ స్థాయిలో అవకాశాలు వస్తున్నాయి. సీతారామం తర్వాత ఇప్పటి వరకు మృణాల్ ఆరు సినిమాలకు గ్రీన్ సిగ్నల్ ఇచ్చింది. అందులో NANI30 కూడా ఒకటి. ఈ ఆరు సినిమాల్లో మూడు షూటింగ్ ను పూర్తి చేసుకోగా, మరో రెండు సినిమాలు ఇంకా షూటింగ్ దశలోనే ఉన్నాయి. ఇక NANI30 చిత్రం చిత్రీకరణ త్వరలోనే స్టార్ట్ కానుంది. ఇదిలా ఉండగా, ఈ బాలీవుడ్ బ్యూటీ మరో అవకాశం వచ్చినట్టు సమాచారం అందుతుంది.
ఇప్పటి వరకు బాలీవుడ్, టాలీవుడ్ కే పరిమితమైన మృణాల్ కు కోలీవుడ్ నుంచి కూడా పిలుపు వచ్చిందని టాక్ వినిపిస్తోంది. కోలీవుడ్ స్టార్ హీరో సూర్య హీరోగా శివ దర్శకత్వంలో ఓ భారీ యాక్షన్ డ్రామా వస్తున్న సంగతి విధితమే. ఈ చిత్రంలో దిశా పటానీ హీరోయిన్ గా నటిస్తోంది. అయితే కథాపరంగా ఓ కీలక పాత్ర ఉంటుందట. ఈ పాత్ర కోసం సీతారామం బ్యూటీ మృణాల్ ను మూవీ యూనిట్ సంప్రదించారని తెలుస్తోంది. కథ నచ్చడం తో పాటు స్టార్ హీరో సూర్య మూవీ కావడంతో మృణాల్ వెంటనే గ్రీన్ సిగ్నల్ ఇచ్చిందని కోలీవుడ్ వర్గాల్లో గుస గుసలు వినిపిస్తున్నాయి.
ఫిబ్రవరి మొదటి వారం నుంచి ప్రారంభం కాబోయే కొత్త షెడ్యూల్ లో మృణాల్ ఠాకూర్ సెట్స్ పైకి వచ్చే అవకాశాలు ఉన్నాయని సమాచారం. కాగా ఈ చిత్రానికి ప్రస్తుతం మంచి ఫామ్ లో ఉన్న దేవి శ్రీ ప్రసాద్ మ్యూజిక్ అందిస్తున్నాడు. అలాగే దీనిలో సూర్య పలు విభిన్నమైన పాత్రల్లో దర్శనమిస్తాడని టాక్ వినిపిస్తోంది.
For More Updates :
Checkout Filmify for the latest Movie updates, Movie Reviews & Ratings, and all the Entertainment News